BREAKING NEWS

Donald Trump mban fjalimin e fundit nga Shtëpia e Bardhë: Ju tregoj rrezikun e madh që e pret vendin

Donald Trump mban fjalimin e fundit nga Shtëpia e Bardhë: Ju tregoj
x

Politike

Thellohen përplasjet për teknologjinë në zgjedhje, PS kërkon projekt-pilot vetëm në një ZAZ, opozita këmbëngul për Korçën dhe Fierin

Thellohen përplasjet për teknologjinë në zgjedhje, PS

Partia Demokratike dhe Partia Socialiste nuk kanë gjetur konsensus për testimin e votimit dhe numërimit elektronik për zgjedhjet e 25 prillit. Në mbledhjen e djeshme të Komisionit Qendror të Zgjedhjeve, duket se midis partive nuk është arritur që të ketë një konsensus mes dy palëve për votimin elektronik. Partia Socialiste është tërhequr nga realizimi i projektit pilot në jo më shumë se 20% të zonave zgjedhore. Sipas PS, ky projekt ka kosto të lartë dhe koha është e pamjaftueshme dhe se nuk e detyron ligji që të bëhet në dy qarqe, pasi është vetëm projekt pilot. Po ashtu PS kërkon që numërimi të realizohet vetëm në një ZAZ, e cila sipas kësaj partie ZAZ-në le ta zgjedhë vetë KQZ-ja. Sakaq nga përfaqësuesi i PD në këtë mbledhje nuk është bërë asnjë propozim i ri sa i përket votimit dhe numërimit elektronik, por i qëndron propozimit fillestar për dy qarqe, Korçën dhe Fierin. Ndërkohë, Komisioneri Shtetëror i Zgjedhjeve, Ilirjan Celibashi, u ka dërguar partive politike një shkresë me informacion në lidhje me procedurat e ndjekura nga KQZ për prokurimin e sistemeve pajisjeve të teknologjisë së informacionit për identifikimin biometrik të votuesve dhe verifikimin e tyre pas zgjedhor. Në shkresën e publikuar nga KQZ thuhet se ishin 6 kompani ato të cilat kanë përfunduar regjistrimin dhe morën ftesë në procedurë. Ndër të tjera në shkresë theksohet se data 5 janar ka qenë data e fundit e afatit për këto kompani. “Vetëm 6 kompani kishin përfunduar procesin e regjistrimit në faqen e Agjencisë së Prokurimit Publik. Për rrjedhojë vetëm këto kompani morën ftesën për pjesëmarrje në procedurën prokuruese. Data 5 janar ishte afati i fundit për paraqitjen e ofertës nga këto 6 kompani të ftuara për të prezantuar ofertën e tyre”, thekson KQZ. Po ashtu KQZ bën me dije emrin e kompanisë fituese e cila e ka paraqitur në kohë dokumentacionin. “Rezultoi se vetëm kompania “Smartmatic” kishte dorëzuar dokumentacionin e kërkuar në sistem, si dhe paraqiti brenda afatit të vendosur nga Autoriteti Kontraktor pajisjen/mostrën “demo”-n e kërkuar. Aktualisht KQZ është në fazën e vlerësimit të ofertës ekonomike dhe të zgjidhjes teknike që ka ofruar operatori ekonomik Smartmatic”, thekson KQZ në shkresën drejtuar partive politike.