Tirana blindohet për Samitin/ Ç'po ndodh? Rreth 1000 simpatizantë të PD nisen nga Vlora dhe 1600 nga Elbasani që kanë zbarkuar në Tiranë gati për protestë

Kryeqyteti është blinduar dhe pas pak nis ceremonia e pritjes së lidervë evropianë për Samitin BE-Ballkani Perëndimor. Por opozita nga ana tjetër, po bën përgatitjet e para për protestën që është thirrur të mbahet sot.

Mësohet se rreth 1000 simpatizantë të Partisë Demokratike janë nisur nga Vlora në mëngjes pak para bllokimit zyrtar të rrugëve në orën 08:00. Po ashtu njoftohet se të paktën 1600 protestues nga Elbasani do të jenë në protestën që do të zhvillojë këtë të martë Partia Demokratike.

Lajmin e ka konfirmuar kryetari i PD në degën Elbasan, Blendi Himci. Ndërkohë, kryesia e PD e kësaj dege ka udhëtuar drejt kryeqyetit për t’iu bashkuar protestës.

Simpatizantët të cilët mësohet se janë organizuar në mënyrë private me mjetet e tyre për të hyrë në kryeqytet  janë nisur herët në mëngjes me qëllim shmangien e bllokimit të rrugëve.

Demokratët kanë paralajmëruar se do të mblidhen në bulevardin përpara se të rrethohet zona nga forca të shuma policie për shkak të sigurisë së liderëve.

Nuk dihet ende se cilin skenar do të ndjekin protestuesit. Vetë Berisha është shprehur se shqiptarët do tu tregojnë liderëve evropianë se po përballen me 'the prime thief of Albania' (grabitësin më të madh në Shqipëri).