Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Trondit Kreshnik Spahiu: Sali Berisha po përgatitet për sulmin final, era e barutit ka filluar të ndihet, dikush do jetë kurbani i radhës

Postuar: 19/05/2019 - 09:45

Ish-kryetari i Aleancës Kuq e Zi, Kreshnik Spahiu paralajmëroi dje se ish-kryeministri Sali Berisha po përgatitet për sulmin final për të shpëtuar veten. Teksa protesta e radhës e opozitës po afron, por ndërkombëtarët nga ana tjetër janë vënë në lëvizje për të mos lejuar akte dhune, Spahiu tha se Berisha ka nisur të ndjejë rrezikun dhe prandaj së shpejti do të bëjë lëvizjen e fundit. Përmes një postimi në rrjetet sociale, ish-lideri i Aleancës Kuq e Zi theksoi se Berisha e ka kuptuar që kjo situatë do të vendosë përfundimisht për fatin e tij dhe të PD dhe për këtë arsye po bën çmos që të shpëtojë duke kërkuar pushtet. “Ai e di fare mirë, që drejtësisë dhe ndëshkimit amerikan mund t’i shpëtojë vetëm nëse merr pushtetin. I duhet ta marrë me çdo kosto, i duhet ta marrë madje sot, i duhet të shpejtojë pa avancuar plani amerikan dhe BE. Në të kundërt zgjedhjet do njihen ndërkombëtarisht edhe pa opozitën, në të kundërt pas vizës amerikane do u hiqet viza në BE, në të kundërt, në të kundërt laku do ngushtohet dhe as Rama s’do e shpëtojë dot si në 2017. Fisheku i fundit do shkrepet para 30 qershorit, ndoshta të shtunën. Është e vetmja mënyrë që të parandalojë çmontimin e Partisë Demokratike. Zëra nga Tirana më thonë që po përgatiten për sulmin final”, u shpreh ai. Sipas tij, era e barutit ka filluar të ndjehet dhe të gjithë duhet të përgatiten për goditjen e fundit të Sali Berishës. “Unë s’di kush “largqoftë” do të jetë kurbani radhës, por erën e barutit po e ndjen çdo shqiptar! Fundja nuk e ka aplikuar keq sepse për 28 vjet i ka funksionuar skema e shantazhit pa i hyrë gjemb në këmbë. Mbetet për t’u parë nëse do qëllojë fatalisht apo do e nënshtrojë me presion Edi Ramën. A do i eci kërcënimi anti-amerikan këtë radhë, mbetet për tu parë? Fundja sa më e madhe lufta dhe aktrimi, aq më i lartë bëhet pazari”, tha Kreshnik Spahiu.

Spahiu: Berisha ka dhunuar kundërshtarët

Ish-kreu i Aleancës Kuq e Zi e vijoi edhe më tej deklaratën e tij tronditëse ndaj Sali Berishës. Ai e akuzoi se nga të gjithë liderët e vendit, vetëm Berisha ka dhunuar dhe burgosur kundërshtarët. “A e dini çfarë kanë të përbashkët Edi Rama, Adi Krasta, Arben Imami, Paskal Milo, Fatmir Xhafa, Martin Leka, Fatos Nano, Nikoll Lesi, Aleksandër Frangaj, Namik Hoti, Gaqo Apostoli, Skënder Gjinushi, Alfred Sereqi, Artan Hoxha, Azem Hajdari, Genc Pollo, Mero Baze, Pandeli Majko, Idajet Beqiri, Blendi Gonxhe??? Të gjithë kanë një të përbashkët, kur i kanë dalë kundër Sali Berishës janë burgosur ose dhunuar fizikisht. Nëse sot, gjithë Shqipëria ka bindjen se 4 persona janë establishmenti dhe e keqja e Shqipërisë, na duhet të veçojmë që i dhunshëm fizikisht me kundërshtarin është vetëm njëri prej tyre: Sali Berisha. Atij i ka ngel sahati 40 vjet pas dhe ka bindjen që duke e goditur kundërshtarin e ç’burrëron, e poshtëron dhe e largon nga lufta politike! Të tjerët si Lulzim Basha, Monika Kryemadhi, Ilir Meta apo Edi Rama nuk kanë ende në kurriz akuza konkrete të provuara që të eliminojnë apo dhunojnë fizikisht!”, tha ai. Teksa u kthye pas në kohë tek protesta e 21 janarit, Spahiu u shpreh se nëse Berisha do të kishte ende pushtet, pas gjithë këtyre protestave që ka bërë opozita do të shihnim në bulevard 100 arkivolë. “Nëse ai do ishte sot Kryeministër dhe nëse do i hidheshin bomba Molotov nga protestuesit, do kishim 100 arkivole në bulevard. Gazi lotsjellës do u dukej protestuesve si parfum Armani në krahasim me plumbat e gardës”, deklaroi ai.

Mimoza Ibra

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 20/06/2019 - 07:11

 Ish-deputetët e Patisë Demokratike vazhdojnë të qëndrojnë përpara Drejtorisë së Policisë së Tiranës për të kërkuar lirimin e Bardh Spahisë.

Postuar: 19/06/2019 - 23:57

Kryeministri Edi Rama i ftuar mbrëmjen e sotme në emisionin ‘Përballë’ ka komentuar p

Postuar: 19/06/2019 - 23:52

Aktivisti i njohur Endri Shabani është përballur ditën e djeshme në emision me ish-kryeministrin

Postuar: 19/06/2019 - 23:47

Taulant Balla ka deklaruar në emisionin Open se audio-përgjimet janë përgatitur në landmarkun e k

Postuar: 19/06/2019 - 23:30

Djali i ish-kryeministrit Sali Berisha, Shkëlzeni, i përgjigjet deputetit socialist Taulant Balla

Postuar: 19/06/2019 - 23:13

Kryeministri, Edi Rama ka komentuar trazirat që po ndodhin në ambientet e KZAZ-ve duke u shprehur

Postuar: 19/06/2019 - 23:00

Kryetari i PD-së, Lulzim Basha, reagoi pas publikimeve të përgjimeve të reja nga gazeta gjermane