Tronditi Shqipërinë 24 vite më parë, kryeministri Rama bën lëvizjen e rëndësishme në kujtim të tragjedisë së Otrantos, zbardhen detaje

Kreu i qeverisë Edi Rama do të shkojë sot në Itali për të marrë pjesë në edicionin e XIII të Festivalit të Gazetarëve të Mesdheut, i cili po zhvillohet në Otranto të Italisë. Në eventin ku do të marrë pjesë, Rama do të shoqërohet nga kryebashkiaku i Tiranës, Erion Veliaj.

Ky festival do të shërbejë edhe si një përkujtimore e viktimave shqiptare të tragjedisë së Otrantos, e ndodhur më 28 Mars 1997.

Çfarë ndodhi 24 vite më parë

Anija shqiptare “Kateri i Rades” me 120 persona në bord kishte arritur të hynte në ujërat territoriale italiane, por pak pasi i ishte afruar brigjeve të Otrantos në Itali, u përplas me anijen luftarake italiane, “Sibilla”.

Si pasojë e përplasjes u mbytën 84 persona, mes të cilëve 46 gra dhe fëmijë, ndërkohë që edhe sot ende nuk janë gjetur 24 trupa. Anija e tragjedisë u nxorr nga deti 6 muaj pas ngjarjes, për t’u vendosur në portin e Brindisit.