Politike

"Turpe, skandale, dhe një parodi do shihni sot", deputeti lëshon akuza të forta dhe tregon ç'mund ti ndodh kryetarit të KQZ: Pres të vijnë Rama se do kem punë

Në seancën e sotme të Kuvendit është duke i diskutuar rezoluta për shkarkimin e Presidentit Ilir Meta.  Deputeti Lefter Maliqi ka replikuar në mënyrë të ashpër ndaj kreut të Gurpit Parlamentar të PS-së, Taulant Ballës pasi është shprehur se shkarkimi i Metës do të jetë një turp.

“Me këtë akt, kërkoni të marrni edhe Presidentin, se së shpejti do të rrëzoni edhe kryetarin e KQZ, mos do e fusni në burg atë, këto janë turpe, skandale një parodi do shihni sot këtu. Unë po pres të vijë kryeministri Rama dhe do kem punë dhe procedurë edhe me të.” – u shpreh Maliqi, por në përgjigje ndaj tij, kryeparlamentari Ruci tha se nuk ka debat me kryeministrin në procedurë, duke i kujtuar se mund ta bëjë këtë gjë, në interpelancën e kërkuar prej tij me kreun e qeverisë.