"U kap kamioni i pandëshkueshmërisë", Klodiana Lala plas 'minën me sahat': Kur u arrestua peshku i madh, SPAK do godasë të tjerë politikanë

Gazetarja Klodiana Lala gjatë një intervistë televizive ka folur në lidhje me arrestimin e ish-kryebashkiakut Vangjush Dako.

Ajo shtoi se arrestimi i Dakos ishte një mesazh si dhe ka vënë në vështirësi politikën, pasi janë të pasigurt për atë që mund të ndodhë pas prangosjes së krahut të djathtë të kryeministrit Edi Rama.

E pyetur nëse Dako cilësohet një nga peshqit e mëdhenj, Lala përgjigjet:

Për mua po. Mendoj që ai është një kampion. Është përzgjedhur si kampion sepse deri tani nuk ishte prekur, shihej si kampion i pandëshkueshmërisë. Është personazh arrestimi i të cilit ka stepur edhe politikën duke menduar çdo të ndodhë me ne kur ka shkuar pas hekurave krahu i djathtë i kryeministrit.
Kryeministri minimalisht i detyrohet votuesve një falje për të mos shkuar më tej.

Nisida Tufa: Do ketë arrestime të tjera?

Klodiana Lala: Mendoj që po, kanë disa dosje në hetim. Deri në fund të vitit do jetë një stinë plot goditje e lëvizje nga SPAK. Dako u arrestua për të dhënë edhe një mesazh. Që kur arrestohet edhe ai të tjerë mund të kenë radhën.