Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Universitetet në kolaps, Bujar Nishani bllokon dekretimin e rektorëve, 6 universitete në gjyq për rezultatin e zgjedhjeve

Universitetet në kolaps, Bujar Nishani bllokon dekretimin e rektorëve, 6 universitete në gjyq për rezultatin e zgjedhjeve

Postuar: 11/05/2016 - 09:42

Presidenti Bujar Nishani ka bllokuar pa afat dekretimin e rektorëve të rinj. Shkak mësohet të jetë bërë fakti që disa universitete i janë drejtuar dyerve të gjykatës për shkak të problemeve të hasura në procesin zgjedhor. Aktualisht, në gjyq mësohet se janë Universitetet e Shkodrës, Durrësit, Tiranës, Vlorës, i Sporteve dhe i Mjekësisë. Kështu, presidenti Nishani ka vendosur të mos shpallë dekretin për emërimin e rektorëve të rinj të universiteteve publike deri në përfundimin e gjyqeve. Ndërkohë, Komisioni i Arsimit në Kuvend ka kërkuar dje informacion nga ministrja e Arsimit, Lindita Nikolla, lidhur me këtë situatë mosmarrëveshjesh në arsimin e lartë.

Procesi zgjedhor, problemet në universitete 

Arjeta Troshani, ish-kandidatja për Rektore në universitetin “Luigj Gurakuqi” në Shkodër, ka ankimuar procesin zgjedhor. Sipas saj, në fakultetin e drejtësisë, Shkencave të Natyrës dhe Gjuhëve të Huaja janë shfaqur parregullsi. Troshani është shprehur se ka pasur emra pedagogësh të cilët janë futur në listat e zgjedhjeve pa të drejtë, pasi ndaj tyre ka procese gjyqësore të hapura në Gjykatën Administrative. Nga zgjedhjet universitare të zhvilluara më 20 prill, doli fitues kandidati Adem Bekteshi. Vetë Troshani pranoi humbjen përmes një statusi në Facebook, ndërkohë më vonë ajo ka ankimuar procesin zgjedhor. Më 20 prill, në ditën e votimit, studentët kanë denoncuar probleme në Durrës. Disa prej tyre deklaruan në media se ka patur ndërhyrje nga politika dhe veçanërisht nga FRESSH, Forumi Rinor Euro-Socialist Shqiptar, për të manipuluar rezultatin. Zgjedhjet i fitoi kandidatja Kseanela Sotirovski. Klodeta Dibra dhe Mynyr Koni ishin dy kandidatët që garuan për Rektor të Universitetit të Tiranës, detyrë që aktualisht mbahet nga Dhori Kule. Profesore Dibra, 50 vjeçe, aktualisht është Dekane në Fakultetin e Gjuhëve të Huaja, ndërsa Profesor Koni, 52 vjeç, është Dekan në Fakultetin e Shkencave të Natyrës. Procesi pak ditë para zgjedhjeve u fut në një kaos total pasi kandidati Koni u kërcënua nga Emiljano Shullazi dhe miqtë e tij, të cilët i kërkuan të tërhiqej nga gara. Kjo do të thoshte që Dibra shpallej automatikisht fituese. Shullazi u thirr në polici për të dëshmuar rreth kësaj akuze, por u arrestua për disa vepra të tjera më të rënda kriminale. Koni vazhdoi garën dhe u zgjodh me shumicë votash për të drejtuar universitetin më të madh në vend. Zgjedhjet për postin e rektorit në Universitetin e Mjekësisë janë kontestuar dhe nga kandidati humbës, Petrit Bara. Ky i fundit e humbi garën përballë rivalit të tij Arben Gjata, vetëm me një votë diferencë. Petrit Bara ka kërkuar që të rinumërohen votat në rang universiteti pasi sipas tij janë 8 vota të pavlefshme. Ai i ka dërguar një kërkesë dhe Komisionit Institucional Zgjedhor, për rinumërim të votave. 

 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 20/09/2019 - 23:27

Komisioni Evropian është vënë në dijeni për dënimin e Saimir Tahirit, ish-ministër i Brendshëm, për “shpërdorim detyre”, por gjithsesi, ky institucion i rëndësishëm i Bashkimit Evropian nuk ka pranuar të b

Postuar: 20/09/2019 - 23:00

Kryeministri Edi Rama dhe homologu grek Kyriakos Mitsotakis pritet të takohen për herë të parë në

Postuar: 20/09/2019 - 22:55

Pasardhësi i Saimir Tahirit në krye të ministrisë së Brendshme, Fatmir Xhafaj mbështet hapur qënd

Postuar: 20/09/2019 - 22:37

Gjykata e shpalli ish-ministrin e Brendshëm Saimir Tahiri të pafajshëm për trafik droge dhe fajto

Postuar: 20/09/2019 - 22:16

Në emisionin “Java” në TVSH, ish-deputeti Nard Ndoka u shpreh gati të hyjë në zgjedhj

Postuar: 20/09/2019 - 22:11

Avokati Spartak Ngjela, nuk e sheh aspak të nevojshëm këtë dialog.

Postuar: 20/09/2019 - 21:58

Juristi i CEZ Romeo Kara i ka shkruar një koment të gjatë ish-kryeministrit Berisha, në statusin