Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Vazhdon represioni i amerikanëve, ambasada i bllokon vizën një ish-ministri të qeverisë “Rama”, ja detajet e vendim

Postuar: 21/08/2019 - 13:00

Shtetet e Bashkuara të Amerikës po dërgojnë përditë mesazhe ndaj të korruptuarve. Për 30 vite korrupsioni ka qenë i ulur këmbëkryq në institucionet shqiptare, por me nisjen e reformës në drejtësi, duket se kushdo që ka futur duart në xhepat e shqiptarëve do vuajë pasojat. Dje ambasada e SHBA dha detaje se si do të funksionojë SPAK, ndërsa gazeta ka mësuar se ambasada i ka dhënë goditje të fortë një ish-ministri të qeverisë “Rama”. Pak javë më parë ishte Vangjush Dako që u shpall “non grata” nga Departamenti Amerikan i Shtetit, ndërsa mësohet se i padëshiruar është dhe një ish-ministër. Bëhet fjalë për një emër të njohur, i cili është akuzuar për korrupsion. Një burim shumë i rëndësishëm në ambasadë i tha gazetës se ai është informuar se nuk mund të udhëtojë më drejt SHBA. Pra është ndjekur e njëjta strategji si me Sali Berishën. Ky i fundit mori një ftesë për të shkuar te mëngjesi i lutjeve në SHBA një vit më parë, por ambasada i sugjeroi që të mos aplikonte për vizë, pasi nuk do përfitonte. Edhe me ish-ministrin në fjalë ka ndodhur e njëjta gjë. Atij i është kërkuar që të mos tentojë të udhëtojë më në SHBA, pasi është person i padëshiruar, pasi dyshohet se është përfshirë në afera korrupsioni. Pritet që shumë shpejt emri i tij të bëhet publik, pasi kushdo që është shpallur i padëshiruar nga amerikanët, është i rrezikuar dhe nga SPAK. Të gjithë gjyqtarët e prokurorët që u refuzuan nga amerikanët kanë ngelur në veting. Gazeta ka mësuar se SHBA ka futur në listë të zezë dhe shumë emra të tjerë, por kur SPAK të nisë funksionimin do dalin në pah. Kushdo që është akuzuar përmes mediave apo kanë dalë në publik prona për afera e ka shumë të vështirë të udhëtojë drejt amerikanëve. Pra, në harkun e 3 viteve, SHBA ka dhënë një mesazh shumë të fortë për të korruptuarit, pasi ka bllokuar vizat për 5 emra të njohur. I pari ishte Llalla, më pas Berisha, pastaj Vasili, Dako dhe në fund një ish-ministër.

Përcaktimet ligjore

Vendimet e amerikanëve për të bllokuar vizat e të korruptuarve bazohen në dy aspekte. Së pari është ligj për buxhetin. Në sesionin 7031/c, përcaktohet qartë se Sekretari Amerikan i Shteti kur ka prova mund të shpallë non grata një person të përfshirë në afera. “Zyrtarët e qeverive të huaja dhe anëtarët e familjes së tyre, për të cilët Sekretari i Shtetit ka informacion të besueshëm se janë të përfshirë në korrupsion, përfshi dhe për nxjerrjen e burimeve natyrore, apo shkeljen e të drejtave të njeriut, u ndalohet hyrja në SHBA. Sekretari informon gjithashtu publikisht ose privatisht zyrtarët e qeverive të huaja dhe anëtarët e afërt të familjes, për të cilët ka informacion të besueshëm, nëse kanë aplikuar për vizë”, thuhet në ligj. Elementi tjetër është një vendim presidencial. Bëhet fjalë për vendimin 7750, i cili ndalon të gjithë shtetasit e huaj që të futen në SHBA nëse janë të korruptuar. Sipas tij, nuk do lejohen në SHBA nëpunësit publikë ose ish-zyrtarët publikë të cilët kanë kërkuar apo pranuar vlera monetare, ose ndonjë përfitim tjetër, në këmbim të një veprimi apo mosveprimi në kryerjen e funksioneve të tyre publike. Po ashtu, personat të cilët përfitojnë ose ofrojnë vlera monetare apo përfitim tjetër, për çdo zyrtar publik në këmbim, të një akti apo lëshimi në kryerjen e funksioneve publike. Nëpunësi publik ose ish-zyrtari publik i cili ka shpërdoruar fondet publike apo ka ndërhyrë në proceset gjyqësore, elektorale, apo procese të tjera publike. Gjithashtu u ndalohet hyrja në Shtetet e Bashkuara të Amerikës edhe e bashkëshortëve, të afërmve, familjarëve apo fëmijëve të personit që dyshohet se është i korruptuar, të cilët mund të kenë përfituar nga paratë e marra në mënyrë jo ligjore.

Kliti TOPALLI

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 22/09/2019 - 08:15

Pas mbledhjes së qeverisë gjatë mesnatës së djeshme , kryeministri Edi Rama mbledh sot grupin parlamentar të Partisë Socialiste, bashkë me ministrat dhe krerët e bashkive në orën 11:00.

Postuar: 21/09/2019 - 23:59

Mbledhja e qeverisë e programuar për marrjen e masave për përballimin e tërmeteve është shtyrë

Postuar: 21/09/2019 - 22:09

Teksa vendi është përfshirë nga një tërmet i fuqishëm, në rrjet nuk kanë munguar as memet të cilë

Postuar: 21/09/2019 - 21:38

Kryetari i PD-së Lulzim Basha ndihet i lehtësuar që nuk ka asnjë jetë të humbur nga tërmet i fo

Postuar: 21/09/2019 - 20:58

Pas tërmetit të fuqishëm mblidhet Shtabi i Emergjencës në Qarkun e Elbasanit, ku i pranishëm ka q

Postuar: 21/09/2019 - 20:32

Ministrja e Mbrojtjes Olta Xhaçka në një konferencë për mediat në këto momente shprehet se lëkund

Postuar: 21/09/2019 - 20:19

Kryeministri Edi Rama do të mbledhë sot në mbrëmje qeverinë në një takim të jashtëzakonshëm për s