BREAKING NEWS

“Shqipëria rrezikon kapjen totale të shtetit!”/ Meta nuk ndalet, tjetër kërkesë urgjente Komisionit të Venecias: Asnjë reflektim nga ... (Letra e plotë)

x

Politike

Vdekja e efektivëve në Letoni/ Qeveria merr vendimin e rëndësishëm, jep fondin shtesë për familjet e Dëshmorëve të Atdheut Hasanaj e Tanushi (Shuma që përfitojnë) 

Këshilli i Ministrave ka miratuar sot vendimin për dhënien e një fondi shtesë për Ministrinë e Mbrojtjes për kompensimin e familjeve të dy Dëshmorëve të Atdheut, Zarife Hasanaj e Klodian Tanushi.

Kështu, dy familjet e ushtarakëve që humbën jetën në krye tën detyrës në Letoni nga shpërthimi i një mine do të përfitojnë 100 milionë lekë të vjetra.

'Ministrisë së Mbrojtjes, në buxhetin e miratuar për vitin 2019, i shtohet fondi prej 10.000.000 (dhjetë milionë) lekësh të reja, për kompensimin e veçantë të familjeve të ushtarakëve nëntetar Zarife Muharrem Hasanaj dhe major Klodian Nikolla Tanushi, të cilët humbën jetën gjatë kryerjes së detyrës, në mision ushtarak, jashtë vendit', thuhet në vendimin e sotëm të Këshillit të Ministrave.

Kujtojmë që rreth një muaj më parë, Nëntetare Zarife Hasanaj dhe Major Klodian Tanushi humbën jetën nga shpërthimi i një mine në Letoni, në kuadër të një misioni të përbashkët me NATO-n, ndërsa u plagos lehtë reshter Julian Kapaj.