Viti i ri akademik/ Zhupa: Abuzuesit me në krye Manstirliun po drejtojnë sistemin arsimor, mjafton të shikosh raportet e KLSH

Ditën e sotme ka nisur sot viti i ri akademik 2023-2024 dhe rreth 20 mijë studentë ulen për herë të parë në auditoret e universiteteve në të gjithë vendin.

Deputetja e PD Ina Zhupa, përmes llogarisë së saj në rrjetin social Facebook thekson se ky vit i ri akademik e gjen situatën e universiteteve shqiptare në ditën më të zezë, ku abuzuesit janë në krye të sistemit arsimor

“Vit të mbarë akademik pedagogëve, studentëve dhe stafeve universitare. Viti i ri akademik e gjen situatën e universiteteve shqiptare në ditën më të zezë, ku abuzuesit janë në krye të sistemit arsimor.

Ministrja e re Manastirliu është e vjetër në abuzime, mjafton të shikosh raportet e KLSH, dhe hetimet e nisura nga SPAK, për të kuptuar se cili është modeli i saj i menaxhimit.

Një pjesë e rektorëve në detyrë të universiteteve publike janë në ndjekje penale, duke u hetuar për abuzime të ndryshme, nga korrupsioni, mitmarrje, koncensione, abuzim me fondet etj.

Pedagogët vazhdojnë të keqpaguar edhe shum? larg trajtimit me dinjitet në hierarkinë e pagave.

Studentëve ju vihet laku në fyt, me kontrata detyruese dhe shkelje te drejtave, me tarifat me te larta ne rajon, me kushtet më të papërshtatshme, me mungesën e laboratorëve, teksteve cilësore, praktikën konkuruese. Studentët nuk janë mbështetur me asnjë politikë qeveritare në këto 10 vite.

200 vende më poshtë se 2022 në rankim është rezultati i politikave që vetëm e dëmtojnë arsimin dhe i bëjnë studentët të ikin nga sytë këmbët. Kërkimi shkencor ngelet ëndërr e larg, ku pa buxhete dhe politika nxitëse, asnjë progres nuk mund të bëhet.

Si deputete me profesion pedagoge, edhe si anëtare e komisionit të edukimit nuk do rresht të kërkuari llogari, të kërkuari buxhete më t? larta për arsimin, mbështetje për studentët, fonde për kërkimin shkencor dhe arsim cilësor që i përgjigjet nevojave të kohës”, shprehet ligjvënësja demokrate, Ina Zhupa.