Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

"Zbardhet afera prej miliona eurove", zyrtari i lartë i PD-së flet për Reformën në Drejtësi: Më mirë prishet, ja ç’ka ndodhur dhe kush është më i interesuar për zvarritjen e Gjykatës Kushtetuese

Postuar: 23/07/2019 - 14:38

Sekretari për Çështjet Ligjore në Partinë Demokratike, Çlirim Gjata, ishte i ftuar në studion e lajmeve të Fax News ku foli lidhur me situatën në Unazën e Re dhe për rezistencën e artistëve për të mos lejuar shembjen e Teatrit Kombëtar.

Gjata tha se rezistenca e tyre ka zbardhur aferat prej miliona eurosh që sipas tij kthehen në ndërtime pallatesh e kullash për ti pastruar.

“Bëjnë shantazhe dhe paralajmërime me letra për kartë identiteti, ndërprerja e ujit dhe energjisë, forca të shtuara të policisë që rrethojnë zonën. Kjo është një protestë e cila ka nisur që prej një viti e gjysmë dhe ka qenë vazhdimisht 24 orëshe. Kanë mbështetje mbarëpopullore siç është edhe protesta e Astirit. Janë më të gjatat dhe nuk kanë dështuar as nuk ka pasur tërheqje. Këto janë tipare të një shteti diktatorial që kanë rënë në një situatë në të cilën nuk dinë çfarë të bëjnë. Skemi lekë, duam të ndërtojmë një teatër të ri dhe ndërtojnë aty 5-6 kulla. Rama vetë e ka hequr si objekt të trashëgimisë kulturore. Kur të heq ndonjë ditë edhe Kalanë e Rozafës a të Gjirokatrës. Kjo bëhet për të pastruar para përmes ndërtimit. Ajo ndërtesë është për mbrojtjen e pasurisë, historisë dhe dinjitetit kombëtar. Është rezistenca ndaj regjimit komunist aq sa mundësi ka pasur mundesi.

Unë do t’ju bëja thirrje punëtorëve dhe punonjësve të Policisë, mos u përplasni me artistët se ata janë qytetarët më të ndershëm të Tiranës. Mbi të gjitha është një godinë me vlerë arkitekturore unikale në botë, në asnjë vend të botës nuk ka një godinë me arkitetkurë të tillë, ndaj janë mbledhur ata njerëzit atje për ta mbrojtur. Ka edhe mbështetjen e Partisë Demokratike dhe të Bashës” , tha Gjata.

Dy ditët e fundit në zonën e Astirit ka pasur arrestime të pajustifikuara, si e komentoni situatën atje?

Astiri ka zbuluar 40 milionë euro për 2 km rrugë dhe kjo solli që edhe përtej Unazës së Re ku një kompani kishte falsifikuar edhe firmën e ndihmës sekretarit amerikan. Protesta e Astirit zbuloi korrupsionin dhe mafien 40 milion euroshe. Jemi futur në një regjim që krijon konfllikte me qytetarët e vet. Ndodhën edhe votimet e 30 Qershorit, populli e refuzoi bashkë me ata që u detyruan të shkonin në votime. Nuk ia del dot, kot lodhet, pavarësisht se disa kanë mbyllur gojën për shkak të bukës së gojës.

Dje ishte 3 vjetori i nisjes së saj, si ka ecur reforma në Drejtësi?

Më mirë prishet. Kandidatja për bashkinë në votimet e 30 Qershorit kërkoi vërtetim fakti në gjykatë, vetëm kryetari i bashkisë e ka këtë të drejtë. Kurrë s’ka qenë problem sepse ka qenë rutinë. Hynë në zgjedhje pa dekret ndodhën ato që ndodhën, gjyqtarja kontrolloi anën administrative duke dhënë argumentin e paligjshmërisë që qëndron për regjistrimin e Bindjes Demokratike. Pala s’është dakort ankohet në Apel, brenda 5 ditësh mund ta kishte gjykuar. Por ajo çfarë bënë duke e rishqyrtuar çështjen ishte dicka ë nuk ka ndodhur askund në botë ku e njëjta jgykatë dha dy vendime të ndryshme për të njëjtën çështje. Një vendim i gjykatës nuk rishqyrtohet më në të njëjtën gjykatë. Pse e bëri këtë? Për të treguar se unë jam zoti dhe diktati dhe askush nuk më del përballë. Ka 3 vjet pas miratimit të reformës në Drejtësi dhe të kesh këtë shembull është skandaloze.

A besoni që do të ngrihet Gjykata Kushtetuese në shtator?

Fjala juaj në vesh të Zotit thote një fjalë e urtë. Jo në Shtator por në Gusht le të bëhet. E rëndësishme është se sa cilësore do të bëhet. Por kush është më i interesuar për zvarritjen e ngritjes së institucioneve, Rama që është i përlyer me shit-blerjen e votës apo opozita që vendosi të digjte mandatet? Natyrisht që është kryeministri.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 23/08/2019 - 21:08

Shtatori pritet të sjellë zhvillime të forta, sa i takon krizës politike në vend.

Postuar: 23/08/2019 - 20:30

Kryeministri Edi Rama ka dhënë një lajm të mirë!

Postuar: 23/08/2019 - 20:12

Shkodra po kalon një situatë mjaft të paqartë, pas dorëheqjes në marrjen e detyrës nga kryebashki

Postuar: 23/08/2019 - 20:02

Një prej bashkëpunëtorëve më të ngushtë të kryebashkiakes së Shkodrës, Voltana Ademi, jep dorëheq

Postuar: 23/08/2019 - 19:55

Kryetari i PD Lulzim Basha me anë të një statusi në “Facebook” shkruan se sot Europa

Postuar: 23/08/2019 - 19:20

Kryebashkiakja në ikje e Shkodrës, Voltana Ademi do ta ketë mjaft të vështirë e me pikëpyetje ush

Postuar: 23/08/2019 - 19:12

Transferimi i dosjes 184 nga Prokuroria e Krimeve të Rënda për në Prokurorinë e Dibrës, për ish-d