BREAKING NEWS

Dy ditë para Kuvendit të Berishës, Yuri Kim zbulon arsyen e vizitës së Escobar në Tiranë dhe jep mesazhin e fuqishëm

Dy ditë para Kuvendit të Berishës, Yuri Kim zbulon arsyen e
x
BREAKING NEWS

Ndizet situata, demokratët nxjerrin emrin e “përfaqësuesit” të Tom Doshit që mbështet Berishën, Bejko paralajmëron sulm të selisë pas 11 dhjetorit

Ndizet situata, demokratët nxjerrin emrin e
x
BREAKING NEWS

Zbardhet strategjia antikorrupsion e SHBA, dhjetra politikanë rrezikojnë sekuestrim pronash e bllokim llogarish, Kim e Blinken paralajmërojnë reprezalje

Zbardhet strategjia antikorrupsion e SHBA, dhjetra politikanë
x
BREAKING NEWS

Mimi Kodheli: Bullgaria të heqë veton dhe të hapë rrugën e integrimit, Tirana nuk do kërkojë ndarje nga Shkupi, kemi mësuar nga gabimet e njëri-tjetrit

Mimi Kodheli: Bullgaria të heqë veton dhe të hapë
x
BREAKING NEWS

SHBA bën lëvizjen e papritur para Kuvendit të Berishës

SHBA bën lëvizjen e papritur para Kuvendit të Berishës
x

Politike

Zbardhet qarkorja, PD rrëzon Berishën: Topalli, Imami dhe gjithë “garda e vjetër” u përjashtuan prej tij, “Foltoren” po e përdor si mjet shantazhi

Zbardhet qarkorja, PD rrëzon Berishën: Topalli, Imami dhe gjithë

Thellohen përplasjet me kreut të Partisë Demokratike, Lulzim Basha dhe ish-kryeministrit Sali Berisha. Prej datës 16 shtator ish-kryeministri Berisha ka nisur një tur takimesh me bazën demokrate me qëllim zhbërjen e vendimit të kryedemokratit Lulzim Basha për përjashtimin e tij nga grupi parlamentar i PD dhe rikthimin e demokracisë në parti. Por nga ana tjetër edhe zoti Basha i është “përgjigjur flakë për flakë” aksionit dhe akuzave të Berishës, për të cilin ka deklaruar se nuk ka kthim pas dhe se nuk ka ndërmend të cenojë raportet me SHBA për interes të ish-kryeministrit. Madje paralelisht, Partia Demokratike ka intensifikuar edhe takimet në bazën e partisë dhe grupin parlamentar, ku ju ka dërguar degëve disa udhëzime, të cilat duhet të ndahen me demokratët. Gazeta gjatë këtyre ditëve ka zbardhur disa prej qarkoreve që iu janë dërguar degëve të PD, ndërkohë që sot po sjell për lexuesin një tjetër porosi që ka qenë pjesë e diskutimit në mbledhje të ndryshme të zhvilluar në gjithë Shqipërinë gjatë kësaj jave.

“Foltoren” po e përdor si mjet shantazhi

Kështu, në qarkoren që iu është dërguar këtë javë degëve, Partia Demokratike akuzon ish-kryeministrin Sali Berisha se po përdor “Foltoren” si mjet shantazhi kundër kreut legjitim të PD, zotit Lulzim Basha, institucioneve të drejtësisë dhe SHBA-ve. Sipas udhëzimit, kryedemokrati Basha nuk do të lejojë të cenohen raportet mes Partisë Demokratike dhe Shteteve të Bashkuara të Amerikës. “Doktor Sali Berisha, si një njohës i vjetër i politikës, e ka të qartë që Foltorja është më shumë një mjet shantazhi ndaj kryetarit legjitim të Partisë Demokratike, Lulzim Basha dhe amerikanëve. Doktorit i duhet sot Foltorja dhe karikon njerëzit pranë tij për të sulmuar Bashën dhe këdo pranë Bashës sepse ai po kërkon një marrëveshje in extremis. Por nuk ka kthim pas! PD është e vendosur për të mos cenuar raportet me Shtetet e Bashkuara të Amerikës se do ish-kryeministri Sali Berisha dhe ish-drejtorët e korruptuar që i shkojnë pas. Ne Partia Demokratike jemi e ardhmja dhe shpresa për shqiptarët”, thuhet në qarkore.

PD: “Garda e vjetër” u përjashtuan prej Berishës

Por në qarkoren, e cila ka qenë pjese e diskutimit në mbledhjet e zhvilluara në degë të ndryshme të vendit gjatë kësaj jave, Partia Demokratike ka rrëzuar edhe pretendimet e ish-kryeministrit Sali Berisha, se emra si Jozefina Topalli, Arben Imami, Astrit Patozi, etj., u përjashtuan në vitin 2017 nga PD prej kryedemokratit Lulzim Basha. Sipas udhëzimit që tashmë është njohur edhe baza dhe demokratët e Shqipërisë, dy ish-nënkryetarët e Partisë Demokratike Jozefina Topalli dhe Astrit Patozi, apo edhe ish-ministri i Mbrojtjes, Arben Imami, si dhe figura të tjera të spikatura, u përjashtuan nga PD-ja nga Berisha dhe jo nga Basha. “Sa u takon demokratëve si Topalli, Imami, etj që sulmojnë Bashën, duhet të kuptoni një gjë që ata i përjashtoj Sali Berisha dhe jo Lulzim Basha. Dhe kjo duket qartë pasi ata po i qëndrojnë larg Foltores së doktor Berishës, pasi e kanë nuhatur të vërtetën”, thuhet në qarkoren e PD që i është dërguar bazës.