Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Zbardhet vendimi, PD-LSI rikthejnë grupet e “shpëtimit kombëtar” si në 1997, kërkohet dhunë dhe përplasje civile përmes të fortëve

Postuar: 12/06/2019 - 09:00

Partia Demokratike dhe Lëvizja Socialiste për Integrim rrezikojnë ta kthejnë vendin në vitin e mbrapshtë 1997. Ambicia për pushtet e Sali Berishës, Ilir Metës, Lulzim Bashës dhe Monika Kryemadhit po kthehet në një minë me sahat për të gjithë qytetarët shqiptarë, pasi vendi rrezikon të shkojë drejt konfliktit civil. Një ditë më parë gazeta e bëri të ditur se në takimet që kryedemokrati Basha zhvilloi me ish-deputetët dhe aleatët u vendos të krijohet Aleanca Qytetare për Mbrojtjen e Demokracisë, e cila do të jetë prezente në 61 bashki të vendit. Ndërkohë që, dje ky projekt mori bekimin e Këshillit Kombëtar të Partisë Demokratike. Rreth pasdites së djeshme, Basha mblodhi Kolegjin e Kryetarëve dhe Këshillin Kombëtar, ku të gjithë u dakordësuan për krijimin e kësaj aleance. “Degët e Partisë Demokratike në bashkëpunim me partitë e tjera të Opozitës së Bashkuar, janë përgjegjëse që, brenda datës 15 qershor 2019, të formojnë Aleancat Qytetare për Mbrojtjen e Demokracisë në nivel lokal, në 61 bashkitë e vendit. Ato duhet të fillojnë menjëherë procesin e ndërgjegjësimit të qytetarëve për rrezikun që i kanoset demokracisë në vend, si dhe planin e masave që duhet të ndërmerren nё terren për të mbrojtur rendin demokratik dhe kushtetues”, thuhet në vendim. Po çfarë është dhe çfarë synon Aleanca Qytetare për Mbrojtjen e Demokracisë? Burime nga selia blu i pohuan gazetës se krijimi i kësaj aleance nënkupton grupe të strukturuara apo siç njihen ndryshe grupe mercenarësh, të cilët janë të porositur dhe synojnë të çojnë vendin në përplasje civile. Thënë më troç, nisma e Partisë Demokratike është e njëjtë me Komitetet e Shpëtimit Kombëtar të krijuara nga opozita e majtë në vitin 1997, me qëllim rruajtjen e sigurisë dhe përplasjen me qeverinë. Pjesë e grupeve të ngritura nga PD-LSI do të jenë njerëz të fortë dhe me impakt në qytetet për të frikësuar qytetarët dhe për të shkaktuar tensione.              

Përplasje mes militantëve të PS dhe PD

Nga ana tjetër, burimet theksuan se Aleanca Qytetare për Mbrojtjen e Demokracisë, ka edhe një tjetër si mision të sajin, sikundër është përplasja me mazhorancën. Sipas informacioneve, grupi i mercenarëve do të organizojë tubime afër takimeve elektorale të mazhorancës në kuadër të fushatës së zgjedhjeve vendore të 30 qershorit, sidomos atje ku do të jetë i pranishëm kryeministri Edi Rama, me qëllimi përplasjen mes militantëve. Pra, do të synohet që të protestohet afër vendit ku do të jetë i pranishëm shefi i qeverisë, me qëllim që në gjaknxehtësi e sipër militantët e opozitës të përplasen me ata të mazhorancës, duke shkaktuar dhunë e kaos dhe prishjen e fushatës zgjedhore.

Synimet e tjera të aleancës

Në dokumentin e miratuar dje nga Këshilli Kombëtar, është thënë se do krijohen edhe grupe për të bërë ndryshime kushtetuese dhe zgjedhore.Aleanca Qytetare për Mbrojtjen e Demokracisë do të angazhohet gjithashtu, që, përmes një dialogu gjithëpërfshirës kombëtar, të hartojë një platformë të ndryshimeve të thella politike, kushtetuese dhe zgjedhore për t’i dhënë fund, përgjithmonë, modelit kriminalo-autokratik të Edi Ramës, që përqendroi të gjithë pushtetin dhe pasuritë e vendit në një grusht pushtetarësh të korruptuar, oligarkësh grabitqarë dhe bandash mafioze, me qëllim që të vendosë standardet europiane të demokracisë, shtetit të së drejtës, lirive ekonomike e mundësive për të gjithë dhe mbështetjes sociale për shtresat në nevojë”, thuhet në dokument.

Rigels Seliman

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 16/06/2019 - 18:21

Kandidati për Bashkinë e Këlcyrës Hazbi Kasaj, ka komentuar vendimin e presidentit Ilir Meta, i cili ka dekretuar anulimin e zgjedhjeve të 30 Qershorit.

Postuar: 16/06/2019 - 18:12

Ish-deputeti i PD-së, Xhemal Gjunkshi denoncoi ngjarjen e ndodhur sot në mesditë në Bulqizë, ku u

Postuar: 16/06/2019 - 17:59

Prej më shumë se dy vitesh Shqipëria po reformon tërësisht sistemin e drejtësisë me asistencën e

Postuar: 16/06/2019 - 17:41

Militantët e PD-së dhe LSI janë mbledhur për t'i bllokuar rrugën kryeministrit Rama që po kth

Postuar: 16/06/2019 - 17:22

Kryeministri Edi Rama i është përgjigjur nga Pusteci, ish-ministrit të Jashtëm, Neritan Cekës.

Postuar: 16/06/2019 - 17:00

Voltana Ademi ka reaguar për situatën e krijuar me kontratat, ku tha se ka ndikuar politika në ve

Postuar: 16/06/2019 - 16:50

Kryeministri Edi Rama ka bërë një paralelizëm mes Shqipërisë dhe Maqedonisë së Veriut për hapjen