Ambasadori i Britanisë së Madhe në Prishtinë jep mesazhin e fortë: Kosova është zotuar për formimin e ZSO, s’bëhet fjalë për Asociacion një etnik

Ambasadori britanik në Kosovë, Nicholas Abbott, ka mbështetur dje diskutimet e Ambasadës së SHBA-së, për themelimin e Asociacionit të komunave me shumicë serbe në Kosovë. Në një postim në Twitter, Abbott ka inkurajuar Prishtinën të vazhdojë me hapat për krijimin e bashkimit të këtyre komunave. “Një diskutim i mirëpritur sot nga Ambasadori dhe me pjesëmarrje të shkëlqyer. Nëpërmjet Dialogut, është angazhuar për krijimin e një Asociacionit dhe i takon palëve të bien dakord për formën dhe kohën e krijimit të saj. Ne inkurajojmë qeverinë të bëjë”, tha ai. Sipas tij, Kosova është një vend shumetnik dhe komunat e saj do të mbeten shumetnike. Ai shtoi se nuk bëhet fjalë për krijimin e një Asociacioni njëetnik. “Një organ i tillë nuk është vetëm një angazhim ndërkombëtar, por gjithashtu ofron një mundësi për serbët që të jenë pjesë integrale e Kosovës. Kjo pasi, Kosova është një vend multietnik dhe komunat e do të mbeten multietnike. Nuk bëhet fjalë për krijimin e një enklave njëetnike”, u shpreh Abbott. Marrëveshja për formimin e Asociacioni të Komunave me shumicë serbe është arritur në vitin 2013 në kuadër të dialogut për normalizimin e marrëdhënieve Kosovë-Serbi. Asociacioni parashikohet që të përfshijë dhjetë komuna në Kosovë të banuara me shumicë serbe: Mitrovicë e Veriut, Kllokot, Partesh, Ranillug, Graçanicë, Zveçan, Zubin Potok, Novobërdë, Leposaviq dhe Shtërpcë. Sipas marrëveshjeve, Asociacioni ka për qëllim të përfaqësojë interesat kolektive të këtyre komunave, veçmas në fushën e arsimit, shëndetësisë, planifikimit urban dhe rural si dhe të ekonomisë.