Dialogu Kosovë-Serbi, Trajkoviç kritika të ndaj Vuçiç: Të sqarojë se në çfarë mënyre do ta pranojë Kushtetuta themelimin e Asocacionit

Politikania serbe e Kosovës, Rada Trajkoviç deklaroi se me pranimin e draftit të Asociacionit, presidenti serb ka pranuar integritetin territorial të Kosovës.

Në një intervistë televizive ajo është shprehur se Aleksandër Vuçiç ka njohur identitetin e shtetit të Kosovës dhe tashmë i duhet që të ndryshojë dhe Kushtetutën e Serbisë.

Gjithahstu shtoi “Vuçiç pranoi integritetin territorial të Kosovës, tani edhe veçoritë kombëtare të Kosovës. Ai pranon gjithçka që bie në kundërshtim me Kushtetutën e Serbisë”, tha ajo duke iu referuar ofensivës së Bashkimit Evropian për zbatimin e Marrëveshjes Bazë, Bruksel, 27 shkurt dhe Aneksit të Implementimit në Ohër, për normalizimin e marrëdhënieve mes dy vendeve.

Ajo u shpreh se tashmë duhet që Vuçiç të sqarojë se në çfarë mënyrë do ta pranojë Kushtetuta e Serbisë themelimin e Asocacionit.

“Ku janë ekspertët për të shpjeguar se çfarë po ndodh me Kushtetutën e Serbisë. Ku është Kushtetuta e Serbisë? Nën betimin e Vuçiç, në çfarë mënyrë do ta pranojë kushtetuta Asociacionin e Komunave me Shumicë Serbe?”, tha ajo.