BE i jep goditjen e rëndë Vladimir Putinit, ja pse Rusia është drejt kolapsit

Një tubacion gazi i vonuar prej kohësh midis Greqisë dhe Bullgarisë që synon të ndihmojë Sofjen të reduktojë varësinë e saj nga gazi rus ka përfunduar dhe mund të fillojë operacionet tregtare këtë muaj. Kështu deklaroi ministri i Energjisë i Greqisë. Interkonektori Greqi-Bullgari (IGB), i cili ka hasur disa pengesa administrative vitet e fundit, është i rëndësishëm për sigurinë energjetike të Bullgarisë, së cilës i është ndërprerë gazi rus për refuzimin e pagesës në rubla pas pushtimit të Ukrainës nga Moska. Tubacioni prej 220 milionë eurosh do të transportojë gaz nga qyteti verior grek i Komotinit në Stara Zagora në Bullgari dhe do të lidhet me një tubacion tjetër që transporton gaz azerbajxhanas. Ndërkohë presidentja e Komisionit Europian Ursula Von der Leyen paralajmëroi ndërprerje të plotë të furnizimit me gaz nga Rusia dhe theksoi se plani i emergjencës do të jetë gati nga mesi i korrikut. “Ne duhet të përgatitemi për ndërprerje të mëtejshme në furnizimin me gaz, madje edhe një ndërprerje të plotë të furnizimit nga Rusia. Sot, gjithsej 12 shtete anëtare preken drejtpërdrejt nga reduktimet e pjesshme ose totale të furnizimit me gaz. “Është evidente. Putini vazhdon të përdorë energjinë si armë. Kjo është arsyeja pse Komisioni po punon për një plan evropian emergjence. Këtë plan dhe mjetet e nevojshme do ta prezantojmë deri në mes të korrikut”, tha presidentja e Komisionit të BE-së Ursula von der Leyen duke folur në seancën plenare. Gjithashtu, sipas marrëveshjes midis presidentit amerikan Joe Biden dhe Presidentes së Komisionit të BE-së, Ursula von der Leyen, të paktën 15 miliardë metra kub shtesë gaz natyror të lëngshëm do të mbërrijë nga Shtetet e Bashkuara në Evropë këtë vit. Shtetet e Bashkuara do të garantojnë gjithashtu furnizime për të përmbushur kërkesën për gaz natyror prej të paktën 50 miliardë metra kub në vit deri në vitin 2030.