BREAKING NEWS

PS vijon “luftën”, Presidenti drejt 'fundosjes'/ Zbulohet data e përfundimit të hetimeve për shkarkimin e Metës, ja kur përfundon puna e Komisionit Hetimor

PS vijon “luftën”, Presidenti drejt 'fundosjes'/
x

Rajoni

Beogradi dënon Kosovën për shvlerësimin e votave nga Serbia

Beogradi dënon Kosovën për shvlerësimin e votave nga Serbia
Serbia ka dënuar sot duke e quajtur “farsë shoviniste” vendimin e autoriteteve zgjedhore në Kosovë për skualifikimin e më shumë se 3,700 votave të dërguara nga Serbia për zgjedhjet parlamentare të muajit të kaluar.
 
Komisioni elektoral i apelit në Kosovë urdhëroi rinumërimin e votave në gjysmën e pikave të votimit dhe shpalli të pavlefshme 3,782 vota të dërguara nga Serbia.
 
Votat e serbëve të Kosovës që jetojnë në Serbi u sollën në vend nga zyrtarë serbë, ndryshe nga herët e tjera kur zhvendosja u krye nga zyrtarë të OSCE.
 
Partitë politike dhe grupet civile në Kosovë argumentuan se kjo ishte ilegale pasi votat e diasporës dërgohen me postë.
Kreu i zyrës për Kosovën në qeverinë e Serbisë, Marko Gjuriç, tha se vendimi tentonte formalizimin e përjashtimit të serbëve të Kosovës.
 
 “Vetëm votat serbe nga Serbia qendrore u anulluan në këtë farsë shoviniste, duke formalizuar politikisht përjashtimin e popullit tonë nga Kosova e Metohija”, tha Gjuriç në një deklaratë.
 
Pas masës së anulimit partitë kosovare NISMA deh AKR arritën të kalojnë pragun e futjes në parlament.