Bjellorusisë “i soset durimi” me Serbinë, Lukashenko i prerë, ja çfarë kërkon aleati i Putin nga Vuçiç

Presidenti i Bjellorusisë, Aleksandër Lukashenko, i bëri thirrje Serbisë të vendosë nëse dëshiron të bashkëpunojë me Bjellorusinë, raporton RIA Novosti.  Lukashenko emëroi ambasadorë të rinj në Kinë, Zimbabve, Afrikën e Jugut, Serbi dhe Indonezi, si dhe konsullin e përgjithshëm në Mumbai dhe zhvilloi një takim me ta. Ambasador i Bjellorusisë në Republikën e Serbisë dhe në të njëjtën kohë në Republikën e Maqedonisë së Veriut është emëruar Sergej Malinovskij, i cili më parë ka qenë shef i Departamentit kryesor për informim dhe çështje analitike në Ministrinë e Punëve të Jashtme.“Duhet të kuptohet politika që Serbia udhëheq dhe dëshiron të udhëheqë në raport me Bjellorusinë. Nëse ata duan, atëherë duhet të ketë rezultate në marrëdhëniet tregtare dhe ekonomike. Nëse duan të tundin bishtin, thënë përafërsisht, dhe të mbështesin sanksionet evropiane dhe amerikane kundër Bjellorusisë, kjo është puna e tyre, le të përcaktojnë dhe mbështesin nëse kanë harruar të mirat me të cilat shkuam tek ata”, shtoi Lukashenko, transmeton RIA Novosti. Regjistrimi i takimit të tij me ambasadorët e rinj të Bjellorusisë është postuar në kanalin Telegram Prvi, i cili ndodhet pranë zyrës së shtypit të presidentit. “Ne bashkëpunojmë me shumë vende. Ne duhet të forcojmë marrëdhëniet, kjo do të vlejë edhe për Serbinë, vetëm duhet të kuptojnë politikisht se çfarë duan”, tha Lukashenko. Ai e porositi ambasadorin e ri të republikës në Serbi, Sergej Malinovski, që të merret me politikën që Beogradi drejton ndaj Minskut. “Duhet të kuptohet politika që udhëheq Serbia dhe që dëshiron të udhëheqë në raport me Bjellorusinë”, tha presidenti bjellorus Lukashenko.