BREAKING NEWS

Mbi 2 mijë testime! Zbardhen të dhënat e fundit, ja sa raste të reja me COVID u regjistruan në 24 orët e fundit në Shqipëri, zbulohen zonat më 'të nxehta'

Mbi 2 mijë testime! Zbardhen të dhënat e fundit, ja sa raste
x

Rajoni

Dialogu Kosovë-Serbi, Brukseli këmbëngul te Asociacioni, SHBA e vendosur për zbatimin paktit të 4 shtatorit

Dialogu Kosovë-Serbi, Brukseli këmbëngul te Asociacioni, SHBA e

Vijon rivaliteti mes Bashkimit Europian dhe SHBA sa i takon raporteve mes Kosovës dhe Serbisë. Presidenti Donald Trump uli palët në tryezë dhe u firmos një marrëveshje konkrete ndërkohë që dhe BE po punon nga krahu tjetër, pro këmbëngul te Asociacioni i Komunave Serbe. Shefi i Zyrës dhe Përfaqësuesi Special i BE-së në Kosovë, Tomas Szunyog ka thënë se i takon Kosovës që të themeloj Asociacionin e komunave me shumicë serbe dhe se të dyja vendet në një të ardhme do të duhet të bëjnë ndryshime kushtetuese. Shefi i BE-së, më tej theksoi se në aktgjykimin e Gjykatës Kushtetuese në asnjë mënyrë nuk parandalohet krijimi i Asociacionit.

“Sa i përket Asociacionit, e di shumë mirë që ka marrëveshje që nga viti 2013 dhe marrëveshja tjetër është e vitit 2015, dhe një vendimi të Gjykatës Kushtetuese dhe ky vendim në asnjë mënyrë nuk e parandalon krijimin e Asociacionit vetëm i cakton disa kufij që kanë të bëjnë me marrëveshjen e 2015 në fund të vendimit thuhet që statusi i Asociacionit duhet ti dërgohet prapë Gjykatës Kushtetuese. Pyetja ime në këtë rast është se cili është statusi?”, ka thënë Szunyog. Ai ka përmendur më tej progres-raportin e BE, në të cilin thuhet se nuk është bërë progres sa i përket themelimit të Asociacionit. “Ju takon juve që ta bëni këtë, ju i keni nënshkruar dhe ratifikuar këto marrëveshje me 2/3 në Kuvend, pra nuk është vetëm obligim ndërkombëtar ju takon juve dhe askush nuk po ju shtynë juve të bëni diçka me zor”, u shpreh Szunyog. Duke komentuar deklaratën e të dërguarit special të BE-së për dialogun, Miroslav Lajçak i cili tha se Kosova duhet ta ndryshojë Kushtetutën për të themeluar Asociacionin, shefi i BE-së tha se nuk e sheh si problem këtë deklaratë. Ai theksoi se ka pasur keqinterpretime në media rreth kësaj. “Sa i përket deklaratave që ka thënë z.Lajcak është diçka që unë nuk kam problem me atë çfarë ka thënë, kur ju negocioni marrëveshje ndërkombëtare këto janë ligjërisht obligative. Është fakt i padiskutueshëm që të dyja vendet do të duhet të bëjnë ndryshime kushtetuese për marrëveshjet ndërkombëtare që i kanë nënshkruar, sepse marrëveshjet ndërkombëtare bëhen ligjërisht obligative”, tha Szunyog.

Reagon SHBA

Sa i takon bisedimeve mes Kosovës dhe Serbisë, nuk kanë munguar reagimet dhe nga amerikanët. Ambasada e SHBA-së në Serbi është shprehur se Shtetet e Bashkuara të Amerikës janë të përkushtuar për ta implementuar marrëveshjen e arritur në Ëashington ndërmjet Kosovës dhe Serbisë. Në Tëitter, ambasada amerikane në Serbi, ka shkruar se nuk duhet humbur mundësinë për të filluar një kapitull të ri në stabilitetin, bashkëpunimin dhe suksesin e Ballkanit Perëndimor. “Shtetet e Bashkuara janë të përkushtuara për të siguruar suksesin e marrëveshjeve të Uashingtonit të 4 shtatorit – ne nuk duhet ta humbasim këtë mundësi për të filluar një kapitull të ri të stabilitetit, bashkëpunimit dhe suksesit për Ballkanin Perëndimor!”, thuhet në postimin e ambasadës. Një deklarimi të këtillë i ka paraprirë takimi i delegacionit të Energjisë së SHBA-së me përfaqësues institucional në Kosovë dhe Serbi. Ambasada amerikane bëri me dije se përgjatë vizitës është diskutuar për përcaktimin e një studimi serioz të fizibilitetit të Liqenit të Ujmanit.

Në njërën nga pikat në marrëveshjen e arritur në ëashington nga Kosova dhe Serbia, përfshihej edhe funksionalizimi i Liqenit të Ujmanit. Ky i fundit, disa ditë pas marrëveshjes, është emërtuar si “Liqeni Trump”.