“Do e ndjek i njëjti fat si kryetari bashkisë Bulqizë” Indrit Hoxha plas ‘minën me sahat’ dhe bën deklaratën e fortë: Prangat e korrupsionit presin edhe kryebashkiakun e...

Kandidati i PD për bashkinë Vorë, Indrit Hoxha, ka bërë paralajmërimin e fortë se prangat e korrupsionit e presin dhe kryebashkiakun socialist të Vorës, Blerim Shera.

Hoxha deklaroi sot se tenderi mbi 2 milionë euro i pastrimit të kësaj bashkie është bërë në shkelje të plotë të ligjit dhe se Partia Demokratike do ta dërgojë për hetim.

“273 460 221 milionë lekë ose 2 milionë e 382 mijë euro, - tha Hoxha, -  është tenderi i pastrimit të bashkisë Vorë, i bërë në shkelje të plotë procedure në kurriz të taksave të qytetarëve, për interesat korruptive të Edi Ramës - dosja që do të çojë para drejtësisë, kryetarin aktual të bashkisë së Vorës dhe do të ketë po të njëjtin fat si kryetari i bashkisë së Bulqizës!”