“Do të bëj gjithçka për këtë”/ Piloti do të vuajë dënimin në një ndër burgjet më famëkeq të Greqisë, babai i Caroline zbulon vendimin që ka marrë dhe paralajmëron fundin e frikshëm të ish-dhëndrit të tij

Ditën e djeshme është marrë vendimi për Babis Anagnostopoulos, i cili tronditi Greqinë me vrasjen e bashkëshortes së tij Caroline dhe përpjekjet për të fshehur krimin, duke e shpallur fajtor.

Në lidhje me vendimin ka reaguar babai i Carolinës, i cili mirëpriti vendimin e gjykatës.

“Pavarësisht se sa vite do të kalojë në burg, Caroline nuk do të kthehet më. Të paktën jam i kënaqur që gjykata nuk i besoi marrëzitë që ai tha gjatë dëshmisë së tij. Gjithashtu jam i kënaqur sepse e di që do të vuajë dënimin në Korydallos, burgu më i ashpër në Greqi. Shumë besojnë se ai nuk do të jetë në gjendje të mbijetojë atje. Kur të vuajë dënimin, megjithëse shumë besojnë se nuk do të jetë në gjendje të mbijetojë atje, ai do të jetë një njeri i ndryshuar, i dëmtuar, shumë më i vjetër se mosha e tij reale. Tani që fati i tij është zgjidhur, ne mund të vazhdojmë me Susan. Kam ndërmend të ndryshoj mbiemrin e Lidias që ajo të mos lidhet me këtë krijesë të urryer në të ardhmen. Do të bëj gjithçka që vajza e tij të mos e shohë më në jetën e saj”, tha babai 79-vjeçar për Daily Mail.

Kujtojmë se prokurori ka kërkuar burgim të përjetshëm për Anagnostopoulos për vrasjen e Caroline.

Sipas ligjit grek, kjo nënkupton 16 vite burg. Ndryshimi është se ndërsa pjesa tjetër e dënimeve i nënshtrohet zbutjes dhe uljes në varësi të burgut apo pagës ditore që bëni atje, por kjo nuk ndodh me dënimet e përjetshme.

Kjo do të thotë se Babis Anagnostopoulos do të qëndrojë patjetër në burg për 16 vjet.