E përfshirë në skandalin korruptiv “QatarGate”, euro-deputetja greke rikthehet në karriget e Parlamentit Europian

Eurodeputetja greke, Eva Kaili, e përfshirë në skandalin “QatarGate” është rikthyer në karriget e Parlamentit Europian.

Lajmin e kanë bërë të ditur  mediat e huaja, sipas të cilave, Kaili bëri daljen e saj të parë publike në Parlamentin Europian në Strasburg, pak muaj pas lirimit.

Në fakt, të mërkurën ajo mori pjesë në fjalimin e lideres së opozitës bjelloruse në mërgim, Sviatlana Chikhanuskaya, e cila u bëri thirrje aleatëve evropianë që të vazhdojnë të mbështesin popullin e Bjellorusisë në luftën e tyre për liri kundër “orekseve” të Vladimir Putin.

Kujtojmë se kërkesa e Kailit për t’u rikthyer në punimet e Parlamentit Evropian është miratuar që nga fillimi i qershorit.

“Para se të vij në Greqi, dua të jem shpallur e pafajshme ose të kem rrëzuar aktakuzën”, ishte shprehur ajo më herët.

Ndërkohë, pak muaj më parë Eva Kaili shprehu dëshirën për të ardhur në Greqi, në deklaratën e saj, nëpërmjet avokatit të saj, Mihalis Dimitrakopoulos.

“Më mungon shumë vendi im, dua të vij sa më shpejt, por së pari dua të mbyll akuzat që kam, qoftë me një vendim pafajësie të sistemit të drejtësisë, qoftë nëse vonohet, me shfaqja publike të elementeve që shkatërrojnë aktakuzën”- tha Eva Kaili.

Kjo është një deklaratë që ai bëri pas vendimit të Gjykatës së Apelit të Brukselit, e cila bëri me dije se Eva Kaili do të mund të lëvizë ku të dojë brenda zonës Shengen pa kërkuar lejen e autoriteteve belge, siç njoftuan avokatët e saj, Sven Marie, Christophe Marchand dhe Michalis Dimitrakopoulos.

Vihet re se më 25 maj, autoritetet belge vendosën që politikanja greke të mund të heqë edhe byzylykun e survejimit elektronik, por me kushte kufizuese.

Eurodeputetes iu kërkua të kthente pajisjet e përdorura për mbikëqyrjen elektronike dhe t’i lejonte hyrjen në shtëpinë e saj një anëtari të qendrës kombëtare të mbikëqyrjes elektronike për të hequr pajisjet e përmendura.

Asaj iu kërkua gjithashtu të jetonte në banesën e saj dhe të mos ndryshonte vendbanimin pa njoftuar më parë hetuesin si dhe të mos largohej nga Belgjika pa lejen e tij paraprake me shkrim.

Të hënën (26/6), gazeta italiane La Repubblica raportoi në faqen e saj seEva Kaili është parë në korridoret e Parlamentit Europian me vajzën e saj dyvjeçare.