Çfarë po ndodh? Pas marrëveshjes Serbi-Kosovë në Maqedoni të Veriut, dy shtetet thirren përsëri në takim urgjentë, zbardhet çështja për diskutim

Dhe pse kanë kaluar vetëm pak ditë nga arritja e marrëveshjes politike në Ohër, në një tjetër takim do të priten përfaqësuesit zyrtar të Kosovës dhe Serbisë nga Oda Ekonomike e Maqedonisë së Veriut.

Fokusi i diskutimeve që do të mbahet ka të bëjë më çështjen e largimit të barrierave administrative lidhur mes dy shteteve përkatëse.

Në këtë takim të parë do të diskutohet për barrierat që pengojnë bashkëpunimin ekonomik mes Kosovës dhe Serbisë.

 “Takimi i parë do të zhvillohet në një dinamikë të vendosur, me qëllim që sa më shpejt të zgjidhen të gjitha çështjet kontestuese që kanë të bëjnë me barrierat administrative që pengojnë bashkëpunimin ekonomik mes këtyre dy vendeve”, thuhet në njoftim dhe shtohet se kryetari i Dhomës Branko Azeski emëroi dy e këshilltarëve të tij për të moderuar takimin.