Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Gjukanoviç fiton zgjedhjet presidenciale në Mal të Zi

Gjukanoviç fiton zgjedhjet presidenciale në Mal të Zi

Postuar: 16/04/2018 - 15:34

Milo Gjukanoviç rikthehet në krye të politikës në Mal të Zi me një fitore të qartë në zgjedhjet presidenciale të fundjavës. Ndonëse një figurë polarizuese, Gjukanoviçi ka mbështetjen e Perëndimit për arsye gjeopolitike.
 
Kandidati i Partisë Demokratike të Socialistëve (DPS), Milo Gjukanoviç u rikthye nga pensionimi i vetë-imponuar në detyrat qeveritare, për të arritur një fitore të konsiderueshme në zgjedhjet presidenciale të së dielës.
 
Sipas rezultateve jopërfundimtare të Qendrës për Monitorimin e Zgjedhjeve (CEMI) të publikuara të dielën në darkë, Gjukanoviç fitoi 53.8 përqind të votave, kurse sfiduesi i tij kryesor Mladen Bojanic, 33.5 përqind.
 
Asnjëri prej gjashtë kandidatëve të tjerë nuk arriti të mbledhë një numër dyshifror votash.
 
Fitorja e re do të thotë kthimin e Gjukanoviçit në postin që ai e ka mbajtur prej viteve 1998 deri 2002.
 
Përveç tri pushimeve që ka bërë nga postet, ai ka qenë që prej vitit 1991, ose president ose kryeministër.
DPS ka qenë në pushtet gjithë kohën dhe Gjukanoviç e ka drejtuar partinë që në vitin 199. Ai deklaroi se vendosi të rikthehet me DPS në mënyrë që të mbrojë kursin properëndimor të Malit të Zi përballë tensioneve rajonale dhe fërkimeve globale midis NATO-s dhe Rusisë.
 
Vitet e fundit Gjukanoviçi e largoi Malin e Zi nga aleanca tradicionale e ngushtë me Rusinë. Ai e akuzoi Moskën për përfshirje në një përpjekje për grusht shteti në ditën e zgjedhjeve të fundit parlamentare në tetor 2016. Podgorica ka mbështetur të gjitha sanksionet perëndimore kundër Moskës.
 
Mali i Zi me 620.000 banorë u anëtarësua në NATO më 2017 dhe po zhvillon negociata për anëtarësim në BE. Si figurë, Gjukanoviç polarizon jo vetëm në Mal të Zi, por edhe në plan ndërkombëtar. Kundërshtarët e akuzojnë për nepotizëm dhe për korrupsion masiv si dhe për praktika diktatoriale. Një numër anëtarësh të familjes së tij mbajnë pozicione të larta politike, gjyqësore dhe në biznes.

/Agjensia e Lajmeve Sot News/

Na Beni Like Ne Facebook: 
Total votes: 9

Lajme nga e njejta kategori

Postuar: 17/07/2018 - 21:18

Forca e Sigurisë së Kosovës (FSK) do t'i blejë 24 automjete multifunksionale ushtarake të lëvizshmërisë së lartë, ndërsa 27 automjete do t’i dhurohen falas.

Postuar: 17/07/2018 - 20:46

Të gjitha frutat dhe perimet që hyjnë në Kosovë nga data 18 Korrik 2018 do të paguajnë një tarifë

Postuar: 17/07/2018 - 14:08

 Kryeministri Zoran Zaev ka deklaruar se Rusia duhet ta kuptojë tashmë se për Maqedoninë nuk

Postuar: 17/07/2018 - 13:50

 13 korriku shënoi edhe rekordin botëror për trafikun ajror, ku brenda 24 orëve u regjistrua

Postuar: 17/07/2018 - 12:56

Komisioneri i Bashkimit Europian për Zgjerimin, Johannes Hahn ka vizituar sot  Maqedoninë nd

Postuar: 17/07/2018 - 12:09

Organizata për Siguri dhe Bashkëpunim në Evropë (OSBE) ka kërkuar nga institucionet që të zbardhi

Postuar: 17/07/2018 - 09:19

Në kryeqytetin e Serbisë, në Beograd është mbajtur konferenca për media e organizuar nga Nikola S