Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Ish-ministri përfshihet në skandal seksual/ Abuzoi me 17-vjeçaren, vetëdorëzohet në polici

Postuar: 11/09/2018 - 12:37

Një skandal seksual ka shpërthyer në arenen politike. Ndërkohë që policia pas denoncimit të një vajze të mituir ka nisur edhe hetimet.

Ish-deputeti i Kuvendit të Kosovës, Numan Baliq dyshohet se është përfshirë në një skandal seksual.

Indeksonline mëson se Baliq, i cili për një kohë të shkurtër ushtroi edhe postin e zëvendës/ministrit në Qeverinë “Haradinaj”, ka abuzuar me një të mitur. Burime tona tregojnë se 60 vjeçari (1958) është përfshirë në një abuzim seksual me 17 vjeçaren e komunitetit boshnjak, Selma M.

Rasti në fjalë është raportuar nga prindi i viktimës. Menjëherë pas marrjes së informacioneve, organet e sigurisë kanë intervistuar ish-zv/ministrin Baliq i cili më pas është liruar në procedurë të rregullt.

Lidhur me këtë çështje është deklaruar edhe Stacioni i Policisë së Kosovë në Pejë. Zëdhënësi për Informim në këtë rajon, Driton Rugova ka konfirmuar për “Indeksonline” rastin në fjalë.

“Po, është lajmëruar një rast për abuzim seksual me një të mitur. Rasti është në Prokurorinë e Shtetit. Personi nuk është arrestuar, por është vetdorzuar në polici dhe më pas prokurori përkatës e ka liruar të njëjtin në procedurë të rregullt”, ka deklaruar ai.

Numan Baliq që nga paslufta njihej si numri një i boshnjakëve në Kosovë. Ai ishte deputet në legjislaturën e tretë (2007 -2010). Po ashtu, Baliq ishte edhe ministër i Shëndetësisë në vitin 2003. Mirëpo, as ky post nuk i kishte zgjatur shumë.

Kryeministri i atëhershëm, Bajram Rexhepi  e kishte shkarkuar për disa arsye. E ky vendim e kishte irrituar tej mase Baliqin.

“Derisa as vetë kryeministri nuk është zgjedhur me procedurë ligjore, nuk ka të drejtë të më shkarkojë nga ky post”, kishte deklaruar ai, duke shtuar se prapa vendimit të kryeministrit Rexhepi për shkarkimin e tij nga posti i ministrit të Shëndetësisë qëndrojnë edhe strukturat e PDK-së.

Vlen të theksohet se  së fundmi Numan Baliq nuk arriti të ushtrojë detyrën e zv/ministrit për më shumë se 30 ditë.

Kryeministri i Republikës, Ramush Haradinaj kishte shkarkuar të njëjtin me 23 dhjetor.  “Shkarkimi i tij erdhi si rezultat i marrëveshjes politike që ekziston me partinë nga Komuniteti i të cilës vjen Baliq”, ishte konfirmuar nga Zyra e Kryeministrit. 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 21/01/2019 - 19:01

Përkundër deklaratës ironike së mëngjesit rreth “shkrirjes së borës”, duke iu referuar largimit të taksës ndaj Serbisë, kryeministri Ramush Haradinaj, ka ritheksuar se është gabim nëse Kosova e largon ta

Postuar: 21/01/2019 - 18:49

Presidenti i Kosovës, Hashim Thaçi në një konferencë për media sot është deklaruar lidhur me in

Postuar: 21/01/2019 - 15:34

Nesër nuk do të mbahet seancë gjyqësore për padinë për shpifje dhe ofendim nga Nikolla Gruevski

Postuar: 21/01/2019 - 15:29

I dërguari special i OKB-së në bisedimet midis Shkupit dhe Athinës për çështjen e emrit, Matthe

Postuar: 21/01/2019 - 15:26

Kryetari i Kuvendit të Kosovës, Kadri Veseli ka kujtuar presidentin e parë të Kosovës, Ibrahim

Postuar: 21/01/2019 - 15:24

Megjithë protestat e dhunshme në fundjavë, autoritetet greke sot pasdite pritet të shqyrtojnë p

Postuar: 21/01/2019 - 15:22

Prokurorja publike maqedonase Villma Ruskovska tha sot se aktakuzat për ngjarjet e 27 prillit 2