Ja detajet nga fjalimi “përvëlues” i Vuçiç në Samitin e 6 dhjetorit në Tiranë, Serbia do të tregojë para liderëve të BE se cilat janë vijat e kuqe për Kosovën

Kreu i diplomacisë serbe, Ivica Daçiç ka folur për Samitin e Bashkimit Evropian dhe Ballkanit Perëndimor që do të mbahet në Tiranë më datë 6 dhjetor. Ai tregoi për vijat e kuqe që do të fliten në Samit për Kosovën nëse Vuçiç do të jetë i pranishëm. “Çdo marrëveshje që nuk e përfshin Kosovën si shtet të pavarur dhe njohjen e saj, pra anëtarësimin në Kombet e Bashkuara, është temë e mirë dhe bazë për diskutime të mëtejshme. Prandaj, ne jemi larg një propozimi përfundimtar, por kur Serbia ka thënë qartë se cilat janë linjat tona të kuqe, por ne jemi të gatshëm të bisedojmë, është e rëndësishme të marrim pjesë në bisedë”, theksoi Daçiç. Kujtojmë se pak ditë më parë kryediplomati serb ka folur me tonë të ashpra në lidhje me anëtarësimin e Kosovës në Këshillin e Evropës. Unë paralajmërova për kompleksitetin e çështjes së anëtarësimit të Prishtinës në Këshillin e Evropës dhe përmenda se anëtarësimi nuk do të kalojë pa luftë," është shprehur Daçiç.

Rama: Serbia do të jetë pjesëmarrëse në Samit

Ndërsa Kryeministri i Shqipërisë në lidhje me bojkotin e Serbisë në Samitin e BE-së është shprehur se  Serbia do të jetë pjesëmarrëse në këtë samit. Serbia do të jetë në Samit dhe presidenti nuk do të ketë asnjë rrugë tjetër vetëm se të vijë në Samit", tha Rama. Më pas ai shtoi se e kundërta  do të ishte katastrofike për Serbinë dhe atë vetë.  Pak ditë më parë, presidenti serb Aleksandër Vuçiç u shpreh gjatë konferencës për media me Komisionerin për Zgjerim, Oliver Varhelyi se nuk është penduar për asnjë deklaratë që ka bërë ditët e fundit për çështjen e Kosovës apo edhe për vendimin për samitin në Tiranë, për të cilin tha se nuk do të marrë pjesë. Por komisioneri për zgjerim i Bashkimit Evropian ka insistuar në lidhje me pjesëmarrjen e Serbisë ne samitin BE-Sëduke thënë që Vuçiç duhet të jetë prezent në Samitin e Tiranës. Shkak i refuzimit u bë emërimi i politikanit Nenad Rashiç në postin e ministrit për Komunitete dhe Kthim i cili mbahej nga kryetari i dorëhequr i Listës Serbe GoranRakiç.  Pas kësaj Vuçiç u shpreh se në lidhje me këtë çështje do të marrë një vendim në fundjavë.

Ndizen tensionet pas deklaratave të Vuçiç

Situate e tensionuar  në Ballkan ka tërhequr dhe vëmendjen e Këshillit të Ambasadorëve Shqiptarë të cilët në një postim në Facebook ata janë shprehur se janë të shqetësuar nga gjuha  nxitëse dhe denigruese e Vuçiçit. Sipas tyre me ketë lloj gjuhe cënohet paqja dhe siguria e rajonit. “Këshilli i Ambasadorëve Shqiptarë është duke i përcjellë me shqetësim deklaratat e fundit konflikt nxitëse dhe përdorimin e gjuhës denigruese të Presidentit të Serbisë Aleksandër Vuçiç ndaj Kryeministrit të Kosovës Albin Kurti, Ministrit të posa emëruar për Komunitete dhe Kthim të Qeverisë së Kosovës, Nenad Rashiç, dhe bashkëpunëtoreve të tij të komunitetit serb që nuk pajtohen me politikën e Serbisë”, vijon postimi.

BE: Kosova dhe Serbia të kenë sjellje evropiane

Kujtojmë se pas deklaratës së presidentit serb Vuçiç, Bashkimi Evropian u ka bërë thirrje liderëve politikë në Kosovë dhe Serbi që të përmbahen nga retorika nxitëse dhe të kenë “sjellje evropiane”, për të ndihmuar në ulje të tensioneve midis tyre. Zëdhënësi Peter Stano u bëri thirrje Kosovës dhe Serbisë që të kenë sjellje Evropiane. ‘Nëse keni aspirate evropiane, silluni në mënyrë evropiane. Mënyra evropiane do të thotë të përmbaheni nga hapat që rrisin konfrontimin .  Kosova dhe Serbia duhet të angazhohen për zgjidhje evropiane”, ka deklaruar ai. Gjithashtu, njohësi i marrëdhënieve ndërkombëtare, Seb Bytyçi është skeptik se mund të arrihet marrëveshja për normalizim të marrëdhënieve Kosovë-Serbi deri në mars të vitit 2023. Ai thotë se ka vonesa nga Bashkimi Evropian për takimin e radhës Kurti-Vuçiç, pavarësisht marrëveshjes për targa dhe premtimeve për intensifikim të dialogut në kuadër të planit franko-gjerman