Ja pse Vuçiç është tmerruar nga vendimi për të arrestuar Vladimir Putinin dhe si Perëndimi mund ta detyrojë presidentin serb t’i kthejë shpinën mikut të tij duke i vendosur sanksione

Elita politike, për shkak të ideologjisë së saj radikale dhe kuazi-socialiste, jeton në iluzion dhe presidenti i Serbisë, Aleksandër Vuçiç, e percepton Presidentin e Rusisë si një politikan të madh dhe të rëndësishëm dhe tani e ka edhe më të vështirë të vendosë sanksione ndaj Rusisë dhe do të jetë nën presion edhe më të madh, thonë të intervistuarit për Danas, duke komentuar pse vendimi i Gjykatës Ndërkombëtare Penale për lëshimin e një urdhër për presidentin e Rusisë Vladimir Putin ishte shumë i vështirë për Vuçiçin. Presidenti serb, menjëherë pas marrjes së lajmit për vendimin e gjykatës ndaj Putinit, urdhëroi mbledhjen e Byrosë për Koordinimin e Shërbimeve të Sigurisë, siç raportojnë mediat. Madje thuhet se iu desh të ulej kur mësoi lajmin.“Për pak u rrëzova kur më treguan lajmin”, tha ai të premten në një fjalim para qytetarëve të Sremska Mitrovicës.

Nën presion për sanksione

Vuçiç deklaroi gjithashtu se Perëndimi do të bëjë presion ndaj të gjithë atyre që nuk janë kthyer më ashpër kundër Rusisë, si dhe se ata që mbështesin Putinin do të vuajnë pasoja të rënda. “Kur e them këtë, jam i vetëdijshëm për situatën me të cilën do të përballemi”, tha Vuçiç. Sipas tij, nuk jemi shumë larg shpërthimit të Luftës së Tretë Botërore. Deputetja e Partisë Popullore, Vladeta Jankoviç, tha se tani është edhe më e vështirë për Vuçiçin të vendosë sanksione ndaj Rusisë, sepse publiku me të drejtë do ta perceptonte si thikë pas shpine ndaj një miku në telashe.

Goditje për politikën serbe

?arko Kora?, një psikolog dhe ish-politikan, thotë se kjo ndodh për shkak se Vuçiç e percepton Putinin si një politikan të madh dhe të rëndësishëm. “Ai u trondit kur zbuloi me vonesë se Putini është thjesht një politikan, një “yll në rënie” në skenën ndërkombëtare, për shkak të luftës në Ukrainë”, shpjegon Korac. Po ashtu, Vuçiç e di mirë se çfarë janë gjykatat ndërkombëtare, sepse ish-shefi i tij Sheshel kaloi dhjetë vjet duke u marrë me të. “Dhe kjo është një goditje e re për politikën e Serbisë, e cila nuk vendosi sanksione ndaj Rusisë”, thekson psikologu.

Frika nga Perëndimi

Analisti politik Dragomir Angjelkoviç beson se Perëndimi tani mund të kërkojë më shumë nga Serbia vendosjen e sanksioneve kundër Rusisë, por ai thekson se publiku serb sërish do t'i rezistojë.“Akuza e fundit ndaj Putinit i ka kujtuar shoqërisë serbe se asnjë nga gjeneralët dhe politikanët e NATO-s nuk ka mbajtur përgjegjësi për agresionin ndaj Serbisë. Po ashtu kjo kufizon ndjeshëm hapësirën e Vuçiç për manovrim. Kjo është arsyeja pse ai ishte shumë i prekur nga vendimi i gjykatës së lartpërmendur, i cili ishte i drejtuar kundër Federatës Ruse”, deklaron Angjelkoviç. Ai shton se presidenti serb, po dërgon një mesazh te elektorati i tij, i cili është pro-rus, duke i treguar se ai është po aq i pakënaqur sa ata. “Megjithatë ai padyshim e kupton se është e vështirë të binden shumica e qytetarëve të pranojnë një politikë që është kundër bindjeve të tyre në lidhje me Kosovën, NATO-n, Rusinë, të ashtuquajturën ‘Drejtësi e Hagës’”, thotë Angjelkoviç. Sipas tij, presidenti është dukshëm gjithnjë e më shumë i frikësuar se edhe ai do të ekspozohet ndaj disa veprimeve të Perëndimit nëse nuk tregon nënshtrim.

I ngecur në vitet ‘90

Srecko Dukiç, publicist dhe diplomat, thotë se shoqëria serbe jeton në iluzione, dhe nuk po del dot sepse një shoqëri e tillë, larg së vërtetës dhe ngjarjeve reale në botën që na rrethon, është shumë më e lehtë për t'u menaxhuar e manipuluar. “Vuçiç nuk e kupton se nuk janë vitet 1990, se bota ka ndryshuar, se Millosheviçi nuk ishte i fundit që u akuzua dhe doli para gjykatës së OUN, por ai ishte i pari, i ndjekur nga Gadafi dhe të tjerët, dhe që sot nuk ka persona të mbrojtur në botën multipolare, si dhe në atë unipolare. Që më 24 shkurt 2022, thuhej se Putin mund të akuzohej për agresion, pasuar nga ngritja e një gjykate të posaçme për krimet në Ukrainë, por gjithçka u parandalua nga Gjykata Penale Ndërkombëtare, e cila është themeluar nga OKB-ja si gjykatë e përhershme dhe që ka filluar të punojë dhe shpresojmë që të mos bëjë drejtësi as për gjyshen e as për dajat e tij. Dhe kjo e mërzit Vuçiçin, sepse bota nuk është as Serbi, as Rusi, por edhe Serbi edhe Rusi”, përfundon Gjukiç.