Lajme të tjera
BREAKING NEWS

Rikthehen telashet për Berishën, të mërkurën rihapet gjyqi i Izet Haxhisë, thirren dëshmitarët e parë për vrasjen e Hajdarit

Rikthehen telashet për Berishën, të mërkurën rihapet
x

Rajoni

Ka në dorë fatin e qeverisë së ardhshme të Malit të Zi, shqiptari Dritan Abazoviç paralajmëron zhvillimet e rëndësishme: Askush nuk ka ecur në politikë vetëm prej emrit!

Ka në dorë fatin e qeverisë së ardhshme të Malit

Kryetar i grupimit politik “Ura”, Dritan Abazoviç është cilësuar nga të gjithë si politikani shqiptar që mban në duar fatin e qeverisë së ardhshme të Malit të Zi.

Mirëpo ai nuk e vlerëson qëllim në vetvete që të drejtojë qeverinë e re të Podgoricës. Në një intervistë për “News 24”, doktori i shkencave politike, thekson rëndësinë e një qeverie e cila duhet të mbajë kursin europian, pasi Mali i Zi nuk mund të ketë kurrsesi asnjë orientim tjetër.

Ai thotë prerë se problemet në Malin e Zi vijnë si pasojë e keqqeverisjes dhe korrupsionit. Edhe pakicat kombëtare gjatë gjithë viteve janë keqpërdorur nga Milo Gjukanoviç.

Dritani thotë se është habitur kur ka dëgjuar se të tjerë kanë dyshuar përkatësinë e tij shqiptare. Askush nuk ka ecur në politikë vetëm prej emrit apo prapashtesës së tij.

Të gjithë atyre që nuk kanë hezituar të thonë se Dritan Abazoviç është pro-serb, u përgjigjet me shpërfillje.

Politikan i ri në moshë, por jo pa eksperiencë, Dritan Abazoviç vlerëson pozitive marrëveshjen Kosovë-Serbi, nënshkruar në Shtëpinë e Bardhë.

Drejtuesi i grupimit politik “Ura” thotë se të vetmit që kanë interes për destabilizim të Malit të Zi janë organizatat kriminale, pasi janë të frikësuar për humbjen e pasurive të tyre.