Kapitullon Vuçiç, ja “ferri” që e pret Serbinë nëse nuk pranon planin franko-gjerman, presidenti zbulon përpara popullit serb se me çfarë e kërcënuan të dërguarit e SHBA dhe BE që të ulet në gjunjë përpara Kosovës

Serbia së fundmi po përballet me presione të fuqishme nga ndërkombëtarët për shkak të politikave anti-Perëndim që po ndjek presidenti i Serbisë Aleksandër Vuçiç. Por Bashkimi Evropian mesa duket nuk ka ndërmend të ngelet vetëm në kuadrin e thirrjeve për bashkëpunim për të arritur një marrëveshje përfundimtare mes Beogradit dhe Prishtinës. Tonet nga Perëndimi janë shtuar. Goditjen që ka përgatitur SHBA-BE për Serbinë nëse nuk pranon planin franko-gjerman e ka zbuluar Aleksandër Vuçiç. Ditën e djeshme, presidenti serb tha se Beogradi do të pësojë sanksione të forta nëse del “nga rreshti”. “Të gjithë e kemi parë versionin e parë të të ashtuquajturit plani franko-gjerman, por askush nuk deshi të fliste për kontekstin dhe atë që po përballet Serbia. Kur shikon një letër, mund të gjesh lehtësisht kundërshtime të panumërta, dhe në këtë punim nuk është e lehtë të gjesh diçka për të cilën të jesh entuziast. Përkundrazi”, tha presidenti i Serbisë. 

Presidenti serb sulmon Perëndimin

Vuçiç ka sulmuar Perëndimin duke thënë se po e detyrojnë që çdo gjë të shkojë sipas favorit të tyre. “Fakti që rrethanat gjeopolitike kanë ndryshuar, Evropa është në luftë, nuk ka tolerancë për të kërcyer në kuptimin politik, ata duan që gjithçka të jetë si të duan në oborrin e tyre. Në këtë qëndrim të ashpër ka kontribuar edhe BE-ja, sepse konteksti është i tillë që në muajt e mëparshëm është bërë një nga problemet më të mëdha për Serbinë, sepse nuk kemi vendosur sanksione dhe për shkak të incidenteve që shkaktoi Kurti”, tha Vuçiç. Ai ka thënë se në kohën e Kurtit deri më tani kanë ndodhur 288 incidente. “Kërkojnë konflikt sepse duan që NATO të hyjë në konflikt me Serbinë, për të shmangur formimin e ZSO-së. Ju kujtoj se serbët nuk u lejuan të votonin, fëmijët serbë u pushkatuan sepse ishin të veshur me rroba serbe për Krishtlindje. Ata e dënuan Serbinë për barrikadat, nuk donin të dëgjonin dhe kuptonin pse serbët me Kosovën e Metohinë e bënë këtë. Ne e kemi fajin për ta, sepse barrikadat shkaktuan destabilitet, jo ngacmime ndaj serbëve dhe privimi i të drejtave të serbëve. Ata erdhën me një plan, të cilin e pamë 60 ditë më parë. Ne nuk kemi marrë pjesë në hartimin e atij plani, askush nuk është konsultuar me ne për asgjë, ata kanë ardhur vetëm ta prezantojnë atë. Nuk bëmë gjë askund, nuk sulmuam askënd, erdhën dhe e treguan planin dhe më 13 dhjetor të gjitha vendet anëtare e pranuan planin, madje edhe pesë vendet që nuk e njohin. Nuk ka njohje eksplicite të Kosovës në vetë planin, edhe pse e kanë fshehur faktin se ka obligim që të mos kundërshtohet hyrja e Kosovës në OKB. Ata e miratuan dhe ai plan u bë korniza de facto e negociatave”, shpjegoi Vuçiç.

Tre kërcënime për Serbinë

Vuçiç zbuloi dhe tre kërcënimet për Serbinë nëse nuk pranon planin franko-gjerman. “Unë isha shumë i shqetësuar për diçka që nuk do të ndodhë për tre ditë, një muaj, por do të ndodhë pas ndoshta gjashtë muajsh. Nuk doja ta fshihja nga populli. Erdhën pesë dhe në fjalinë e dytë që më komunikuan thuhej “duhet ta pranoni këtë plan dhe nëse nuk e pranoni, sepse ne besojmë se duhet pranuar, pra defacto kuadri i ri negociues për rrugën drejt Evropës do të përballeni me tri gjëra”, tha Vuçiç dhe deklaroi se ato janë: Përfundimi i procesit të integrimit në BE, ndalimi dhe tërheqja e investimeve, masat gjithëpërfshirëse që do ta dëmtojnë Serbinë

Kërkesa e Vuçiç

Vuçiç tha se detyra e tij është të kujdeset për shtetin. “Duhet të bisedojmë me zyrtarët europianë dhe shqiptarët dhe të zgjidhim problemet e kartave të identitetit, regjistrimit, shkëmbimit të mallrave. Ne nuk mund ta pengojmë hyrjen e tyre në NATO dhe në institucionet evropiane, ajo që mund të bëjmë është të punojmë se si të rrisim nivelin e besimit mes nesh dhe shqiptarëve dhe të kërkojmë një mënyrë për të ndërtuar një strategji për një paqe afatgjatë. Së pari duhet të formohet ZSO dhe ZSO nuk mund të jetë OJQ, sepse ka 22 parimet e veta, të cilat i kam nënshkruar në vitin 2015 me mua dhe Mustafa. Synimet që kemi nuk janë aspak të parëndësishme, përkatësisht forcimi i demokracisë lokale, mbikëqyrja e plotë e ekonomisë lokale, arsimi, kujdesit social dhe shëndetësor. Po vjen një luftë e madhe për ZSO”, tha Vuçiç.