Koronavirusi/ Maqedonia e Veriut merr vendimin drastik: Kontroll nëpër shtëpitë private ku ka festime dhe takime

Qeveria e Maqedonisë së Veriut urdhëroi Ministrinë për Punë të Brendshme të intensifikojë kontrollet nëpër shtëpi private ku organizohen festime dhe takime, me qëllim që të ndalojë mbajtjen e tyre.

“Obligohet Ministria për Punë të Brendshme të intensifikojë kontrollet nëpër shtëpi private dhe vula ku organizohen festime dhe takime, me qëllim që të ndërmerren masa për parandalimin e këtyre tubimeve”, thuhet në vendimin e Qeverisë.

Sipas këtij vendimi, ndaj pronarëve të objekteve dhe personave që ndodhen brenda do të ndërmerren masa për mosrespektim të masave dhe rekomandimeve nga Qeveria për parandalimin e Covid -19.