BREAKING NEWS

Masat shtrënguese për parandalimin e përhapjes së COVID-19, Komiteti Teknik i Ekspertëve komunikon vendimin e fundit

Masat shtrënguese për parandalimin e përhapjes së COVID-19,
x

Rajoni

Kosovë/ KQZ bllokon listat e kandidatëve të Vetëvendosjes, AAK dhe Nismës, certifikon kandidatët e LDK

Kosovë/ KQZ bllokon listat e kandidatëve të Vetëvendosjes,

Thellohen akoma më tej debatet6 në Kosovë sa i takon listës së kandidatëve për deputetë. Pak ditë më parë KQZ refuzoi 47 emra dhe kërkoi nga partitë të reflektojnë duke i zëvendësuar me emra të padënuar. Dje Komisioni Qendror i Zgjedhjeve u mblodh për të vendosur mbi certifikimin listave. Sipas medieve kosovare, KQZ nuk ka certifikuar listat e AKK, Nismës dhe LVV-së për shkak se kanë pasur kandidatë që Këshilli Gjyqësorë i Kosovës ka konstatuar se kanë dënime në tri vitet e fundit. Kryetarja Valdete Daka ka thënë se LVV ka pesë kandidatë që nuk i ka zëvendësua në listë. Ndërkohë janë certifikuar listat e subjekteve politike LDK, PDK, Lista serbe, Lista “Romani Iniciativa”, JGP, PREBK, SDU, Partia Balliste, IRDK, KDTP, PAI, NDS, VAKAT, FJALA e disa parti dhe lista tjera. Lista e LDK-së është certifikuar me 10 vota pro. Daka ka njoftuar se kjo parti ka zëvendësuar një kandidat që ishte i dënuar. Edhe lista e PDK-së është certifikuar me 10 vota pro. PDK kishte zëvendësuar një kandidat që kishte qenë i dënuar. KQZ-ja ka certifikuar edhe Listën Serbeme 10 vota pro. Daka ka njoftuar se partive që nuk iu kanë certifikuar listat kanë të drejtë ankese në PZAP brenda 24 orëve. Anëtari i LVV-së në KQZ ka thënë se edhe listat e partive tjera janë paralizuar por sipas tij qëllimi ka qenë që të mos certifikohet lista e LVV-së.

Diskutimet

Sipas “Telegrafit”, drejtori i Zyrës për Regjistrimin e Partive Politike, Yll Buleshkaj, në mbledhjen e KQZ njoftoi i pari se disa parti nuk kishin bërë ndryshime në lista. “Ka disa parti që i kane zëvendësuar vullnetarisht deputetët, LDK, Lista Serbe e disa të tjera të minoriteteve”, tha Ylli Buleshkaj. Ai tha se LVV-ja dhe AAK-ja nuk i kanë zëvendësuar kandidatët.

“Nga 47 në listë kanë mbeten vetën 26”, shtoi ai. Ndërkohë, anëtari i VV-së në KQZ, Samir Kurteshi, ka ftuar kolegët e tij që të votojnë rekomandimin e Zyrës për Certifikimin e kandidatëve. “Nuk dëgjova diçka të që mund të pengojë vendimmarrjen. Zyra për Regjistrimin dhe Certifikimin ka bërë një rekomandim dhe ne duhet të votojmë”, ka thënë Kurteshi.

Kryetarja Daka ka treguar se ka marrë përgjigje nga ana e KGjK-së ku është e qartësuar se ky institucion ka marrë te dhëna nga Gjykatat në gjithë vendin dhe se ato janë të verifikuara, teksa u përgjigj për shkresën për certifikimin në pako. “Ne e kemi shtuar pikën e rendit të ditës me që na duhet të kishim edhe disa shkresa. Sa për informatën e z. Kurtishit unë i nënshkruaj të gjitha shkresat dhe vijnë të unë. Meqë u ngritën dyshime për shkresën e KGJK-së, me të cilën kërkohej të dihet a janë të sakta shkresat e dërguara për kandidatët për deputetë”, tha ajo. Anëtarët e LVV në KQZ kanë thënë se certifikimin në pako të listave të partive politike e ka rekomanduar Zyra për Regjistrimin e Partive Politike. Anëtari i LVV-së Sami Kurteshi ka thënë se nuk do të dalin nga mbledhja pa u zbatuar rekomandimi i Zyrës për Regjistrimin e Partive Politike. Kryetarja e KQZ-së nga ana tjetër ka thënë se duhet të zbatohet Ligji për zgjedhjet dhe sipas saj askush nuk mund të detyrohet ta votojë një listë që nuk dëshiron. “Ka subjekte që i kanë zëvendësuar kandidatët e vet në listat zgjedhore. Nuk është e drejtë tash të votohen në pako edhe ata që janë zëvendësuar edhe ata që nuk janë zëvendësuar”, tha ajo.