BREAKING NEWS

Del fotoja/ Vrasja makabre që tronditi Durrësin, kjo është gruaja, nënë e tre fëmijëve që u vra sot me levë nga bashkëshorti

Del fotoja/ Vrasja makabre që tronditi Durrësin, kjo është
x

Rajoni

Kosovë, Veseli fton partitë të përmbahen nga gjuha e urrejtjes

Kosovë, Veseli fton partitë të përmbahen nga gjuha e
Kuvendi i Kosovës po shënon Ditën e Demokracisë me moton “Pjesëmarrja”. Kandidati për kryeministër nga radhët e PDK, Kadri Veseli i ftoi partitë politike që të jenë të kujdesshëm në gjuhën që po përdorin para fillimit të fushatës zgjedhore.
 
“Në fushata zgjedhore është me rëndësi që të shmangim çdo gjuhë të urrejtjes andaj ju bëj thirrje subjekteve që të zhvillojnë një fushatë më dinjitoze”.
 
Sipas tij, falë ndihmës dhe partneritetit me ShBA dhe BE, Kosova ka bërë shumë hapa përpara në ndërtimin e institucioneve demokratike në vend.
 
“Kosova falë ndihmës dhe partneritetit me ShBA dhe BE ka bërë shumë hapa përpara në ndërtimin e institucioneve demokratike në vend”.
 
“Ende shumë ngelet për të bërë dhe një nga kërcënimet më të mëdha që rrezikon demokracinë tonë është korrupsioni dhe nepotizmi. Kjo luftë fitohet kur ne bëhemi bashkërisht dhe angazhohemi më seriozisht”, u shpreh Veseli.
 
Veseli, tha se një nga institucionet më transparente të vendit, është Kuvendi i Kosovës.
 
“Kuvendi i Kosovës është institucioni më transparent në Kosovë unë jam shumë krenar për këtë dhe shumë falënderues. Kjo është një ditë e shenjtë për ne dhe kjo datë inkurajon për të promovuar konsolidimin e demokracisë dhe populli ynë ka bërë një rrugë të mundimshme par të arritur në ditën e lirisë dhe demokracisë”.
 
“Demokracia që e gëzojmë ne nuk duhet të merret si e mirëqenë ne duhet ta bëjmë çdo ditë këtë vend më demokratik”, tha Veseli.
Kuvendi i Kosovës nën moton “Pjesëmarrja“, për të 11 vit me radhë shënon Ditën Ndërkombëtare të Demokracisë.
Duke filluar në orën 9:30, qytetarë, studentë dhe nxënës do të vizitojnë ndërtesën e legjislativit të vendit dhe do të njihen me punën e përfaqësuesve të tyre të zgjedhur.
Për nder të kësaj dite, Kuvendi organizon aktiviteteve të ndryshme që e afirmojnë ndërtimin e demokracisë.