Liberalizimi i vizave për Kosovën, Lajçak takohet me Escobarin, çfarë vendosën

I dërguari i Bashkimit Evropian për Dialogun Kosovë Serbi, Miroslav Lajçak ka njoftuar me anë të një postimi në Tëiter se është takuar të premten me emisarin amerikan për Ballkanin Perëndimor, Gabriel Escobar.

Lajçak ka thënë se Shtetet e Bashkuara të Amerikës i japin atij mbështetje të fortë për punën në çështjen e lehtësimit të dialogut Kosovë-Serbi.

“Është mirë të takohem me Gabriel Escobar për të përditësuar njëri-tjetrin mbi zhvillimet më të fundit në Ballkanin Perëndimor dhe Dialogun e lehtësuar nga BE. Unë jam shumë mirënjohës për mbështetjen e fortë dhe të qartë për punën time”, ka shkruar Ljaçak.

Takimi në mes tyre vjen në një kohë kur është paralajmëruar liberalizimi i vizave për Kosovën nga vetë emisari i BE-së për dialogun. Ndërkohë është paralajmëruar edhe një marrëveshje e re në mes Kosovës dhe Serbisë – raportohet se do të jetë pajtim për çështje energjetike.

Dialogu ndërmjet Kosovës dhe Serbisë është radhuar viteve të fundit dhe Beogradi e akuzon Kosovën për “neglizhencë”.

Por të premten kryeministrja e Serbisë, Ana Bërnabiq e ka mohuar sërish gjenocidin në Kosovë. Shpesh politikanët serbë shprehin mendimet e tyre të njëjta si në kohën e luftës në Kosovë 1999.

Përpos që e mohojnë pavarësinë e Kosovës, refuzojnë të pranojnë që kanë kryer krime – për të cilat ka rrjedhur edhe ndërhyrja e NATO-s në vitin 1999.