Marrëveshja Rusi-Serbi, rusët në Beograd i përgjigjen ashpër ambasadorit Hill: E trishtueshme të shohësh se sa poshtë mund të zhytet diplomacia amerikane

Pas deklaratave të ambasadorit amerikan në Serbi, Christopher Hill i cili kërkoi nga Serbia shpjegime lidhur me marrëveshjen e përfolur me Rusinë, ka reaguar edhe ambasada ruse.

Në një njoftim të saj ambasada ruse thekson se nuk I priste këto deklarata dhe se ka mbetur e habitur duke I quajtur të pahijshme.

“Është e trishtueshme kur sheh se sa poshtë mund të zhytet diplomacia amerikane”, thuhet në njoftim.

Më tej theksohet se ambasada ruse në Beograd do të vazhdojë përpjekjet e saj për forcimin e vazhdueshëm të bashkëpunimit strategjik dypalësh në të gjitha fushat me interes të përbashkët.