Mediat italiane ngrenë alarmin: “Dora ruse” në veriun e Kosovës, Prishtina mund të jetë “Kievi i dytë”, ja pse Vladimir Putin po i fryn zjarrit ballkanik dhe çfarë fshihet pas tensioneve

Media italiane “InsideOver” i ka kushtuar një artikull situatës në Veri të Kosovës. Në shkrimin e saj thuhet se “Arsyet pse Kosova u bë e pavarur në vitin 2008 dhe pse shumë vende ende nuk e njohin pavarësinë e saj janë të njohura për shumicën. Ashtu siç është i njohur faji politik dhe ushtarak që këtu, në zemër të Ballkanit, vendos Serbinë dhe lidhjet e saj me Rusinë në njërën anë dhe Kosovën, së bashku me marrëdhëniet me NATO-n, në anën tjetër. Kjo situatë, pas ngjarjeve të fundit, e bën kombin e vogël, periferinë e përsosur të luftës në Ukrainë, ku të dy frontet mund të kërcënojnë njëri-tjetrin. Për të komplikuar gjithë situatën, qëndrimi i mbështetjes reciproke që Kievi dhe Prishtina kanë treguar që nga shpërthimi i "operacionit special" duket se i ka hedhur benzinë zjarrit.

Rrezik për Ukrainën

Kosova ka përfaqësuar gjithmonë një çështje delikate për Ukrainën, pasi Moska e ka përdorur gjithmonë këtë precedent për të justifikuar aneksimin e territoreve rusishtfolëse, së pari dhe më pas pushtimin. Duke u kthyer pas në kohë, pavarësia e Kosovës në vitin 2008 kishte krijuar shumë tensione në Evropë, si në OKB, si dhe një hutim të madh nga ana e disa kombeve evropiane që po përballeshin me trazirat e brendshme të Qipros, Greqisë, Rumanisë, Sllovakisë dhe Spanjës. Kur në vitin 2008 Bashkimi Evropian miratoi pavarësinë, zgjedhja, e mbështetur nga Shtetet e Bashkuara, nuk ishte aspak unanime, pasi nisi një betejë të re me Rusinë dhe vuri në pikëpyetje integrimin e shpejtë të Serbisë në Bashkimin Evropian. Evropa nuk hezitoi të sfidonte ambiciet e Rusisë për të rifituar një rol politik përtej Uraleve. Mbi këtë qëndrim Moska ka ndërtuar botëkuptimin e saj, duke justifikuar ndërhyrjet në Osetinë e Jugut, në Krime dhe në Donbas. Dhe pikërisht me këtë lloj argumenti ai i fryn zjarrit ballkanik dhe kënaqet me pretendimet për Serbinë e madhe.

Përçarja evropiane

Krahas krizës së targave, çështja e ndërlikuar e Kosovës ka shkuar deri në Këshillin e Evropës. Më 24 prill, komiteti i ministrave të Këshillit dha pëlqimin e parë për hyrjen e Prishtinës në institucion me 33 vota pro, 7 kundër dhe 5 abstenime. Një tjetër çmim në koleksionin e medaljeve të Albin Kurtit. Abstenimet dhe votat kundër tregojnë si dhe pse Kosova është një çështje delikate edhe për Ukrainën. Mes votave kundër, të Qipros, Spanjës, Rumanisë, Serbisë ishte edhe ajo e Hungarisë së Orbanit. Qartazi një kontradiktë, pasi edhe pse e njeh Kosovën, kryeministri Orban “flirton” vazhdimisht me presidentin serb. Nga ana tjetër, Greqia, Sllovakia, Moldavia, Bosnja por mbi të gjitha Ukraina abstenuan. Kjo përçarje nuk bën gjë tjetër veçse legjitimon boshtin serbo-rus, me dëshirën për të vazhduar destabilizimin e Ballkanit, nxitur nga ndjenjat anti-NATO dhe pretendimet etnike.

Interesat e Kievit

Ndaj, Kievi dhe Prishtina duhet të ishin në antipodët e këtyre ndërthurjeve komplekse evropiane. Po ata kanë krijuar një marrëdhënie të papritur që nga shpërthimi i luftës: që nga pushtimi i Ukrainës. Kosova ka qenë një mbështetëse e fortë e Kievit, ndërsa Serbia vazhdon të refuzojë vendosjen e sanksioneve kundër Rusisë. Jo çuditërisht, janarin e kaluar, ishte vetë Kievi, me përfaqësues deputetin Oleksiy Goncharenko, që ftoi vendet evropiane të njihnin pavarësinë e Kosovës. Prishtina mund të ishte një lloj Donbasi në tokën serbe. Por, mbrojtja e Kosovës dhe njohja e saj nuk janë më kërcënim për integritetin territorial apo për Kartën e OKB-së, por një disfatë për ambiciet e Moskës dhe Beogradit. Kjo është sot dëshira më e madhe e Kievit. Një dëshirë urgjente, pasi në Beograd disa anëtarë të parlamentit serb kanë filluar të diskutojnë operacionet shqetësuese në tokën ballkanike: ky është rasti i deputetit serb Vladimir Dukanoviç, wë ëndërronte që Serbia të "denazizonte Ballkanin”. Ai më vonë kërkoi falje për frazën e përdorur, por tregon hapur “humusin kulturor” që lidh serbët dhe rusët. Kievi shpreson që t'i shkaktojë një goditje të rëndë diplomatike Moskës, duke qetësuar marrëdhëniet midis Prishtinës dhe Beogradit, duke e shtyrë Vladimir Putinin të heqë dorë nga fronti kryesor dhe Vuçiçin që të refuzojë të qëndrojë me një këmbë në dy këpucë: njëra evropiane dhe njëra ruse”, përfundon shkrimin media italiane.