SPAK para “provës së zjarrit”, avokat i njohur paralajmëron arrestimin e Edi Ramës, ja aferat ku dyshohet se është përfshirë kryeministri
Idajet Beqiri: Si e ngriti Flamur Noka mini-fabrikën në Greqi me valixhet me euro nëpërmjet dy njerëzve të tij të besuar nga Kukësi dhe Fieri që përfunduan në burg, ja detajet nga afera e madhe që ndodhet në duart e SPAK
Ja pse Grenell është lidhja e dyshes Berisha-Meta me Edi Ramën, si po i varin shpresat tek njeriu i Donald Trump për të shpëtuar nga sanksionet e SHBA duke shitur ishullin e Sazanit, Evi Kokalari nxjerr detajet e forta
Richard Grenell konfirmon pazaret Rama-Berisha për ishullin e Sazanit, ja detajet e marrëveshjes me dhëndrin e Donald Trump
Edi Rama pazare të pista me Vuçiç dhe Grenell për të ringjallur idenë e copëtimit të Kosovës, media gjermane plas “bombën”, ja çfarë fshihet pas investimit të dhëndrit të Donald Trump në ishullin e Sazanit
Gati lirimi i Sali Berishës dhe Jamarbër Malltezit nga burgu, ja çfarë përmban marrëveshja e Edi Ramës me “Rithemelimin”, nga shkatërrimi i SPAK dhe rrëzimi i ligjit të dekriminalizimit, te ngritja e komisionit anti-reformë
Ja çeta e grabitjes së pronave të ushtrisë, nga presidenti Bajram Begaj, te Xhaçka dhe Belinda Balluku, zbardhen shkeljet e rënda penale për interesat e oligarkëve, si u vendos në rrezik siguria kombëtare, operacionaliteti i Forcës Detare dhe detyrimet...
Katër atentate e plagosje në katër ditë ministrit të suksesshëm Taulant Balla, policia mbledh gëzhojat e ekzekutimeve
Nuk ndalet Serbia, vijon propagandën: ‘Shtëpia e Verdhë’ ishte vetëm ndalesë, trafikimi i organeve u krye në Fushë Krujë
Shkruar nga SOT.COM.AL 30 Mars 2023
Ministria e Punëve të Brendshme të Serbisë ka financiuar me mijëra euro një film-dokumentar i cili është publikuar në Radiotelevizionin e Serbisë. Aty flitet për “Shtëpinë e Verdhë” dhe trafikimin e organeve nga pjesëtarë të Ushtrisë Çlirimtare të Kosovës.
Megjithatë, ky film-dokumentar ka kaluar në një nivel tjetër të propagandës. “Shtëpia e Verdhë” me të cilën është hartuar edhe raporti i Dick Martyt, në dokumentarin e ri, paraqitet si një ndalesë.
Kjo pasi në dokumentar propaganda shkon aq larg, sa thuhet se trafikimi i organeve është kryer në Fushë Krujë, afër aeroportit të Tiranës. Një pretendim krejtësisht i ri, pasi ishte vërtetuar edhe nga Task Forca Hetimore se nuk ka prova që është kryer trafikim organesh.
“Heqja e organeve është kryer në klinikën në Fushë Krujë, e cila ndodhet në afërsi të aeroportit të Tiranës. Shtëpia e Verdhë, e cila deri më tani është interpretuar gabimisht si shtëpi-klinikë, ishte vetëm një ndalesë në rrugën për në lokacionin përfundimtar ku u hoqën organet e disa serbëve të kapur”, thuhet në një artikull të publikuar nga RTS-ja ku flet për këtë dokumentar, transmeton gazeta Nacionale.
Dokumentari flet për një numër serbësh që janë të zhdukur, ku flasin familjarë të këtyre personave, por edhe Veljko Odaloviq, kryetar i Komisionit për të Pagjetur në Serbi.
Propaganda serbe përshkruan në detaje pretendimet e tyre të çuditshme si janë arrestuar serbët të cilëve më pas u janë marrë organet.
“Për të qenë sa më të padukshëm për mjedisin, ata zakonisht vendoseshin në grupe më të vogla prej pesë deri në dhjetë të burgosur. Ato mbaheshin në hambarë të shtëpive private, të cilat ndodheshin në shpatet e fshatit, të izoluara, larg rrugëve kryesore. Dëshmitarët pohojnë se serbët e kapur kanë punuar në pyje, duke prerë dru, duke bërë punë bujqësore”, thuhet më tutje.
“Jo të gjithë serbët që u dërguan në Shqipëri përfunduan si viktima të trafikut të organeve - disa, të cilët ishin të papërshtatshëm, u vranë në kampin ku punonin, disa, sipas deklaratave të dëshmitarëve të paraqitura në dokumentin e UNMIK-ut, u transferuan të vdekur nga Kosova në Shqipëri”, thuhet më tutje.
Në pamjet e dokumentarit shihen aktorë serbë të veshur me uniforma të UÇK-së teksa ndalonin qytetarë serbë. Më pas shfaqen dy mjekë të veshur bukur, me të gjitha kushtet e nevojshme, teksa kryejnë një ndërhyrje të transplantimit të organeve.
Sipas dokumentarit i mbushur me propagandë, organet që trafikoheshin ishin veshkët pasi ishin më të qëndrueshme. Aty pasi kryhet ndërhyrja, shfaqet një person që i vendos këto organe në frigorifer dhe niset me një aeroplan për t’i dërguar në një destinacion të caktuar.
Një realitet krejtësisht i pavërtetë nëse krahasohet me kohën për të cilën flitet për vitet 1998-1999.
Autorja e dokumentarit është Slladana Zariq. Filmi është mbështetur nga Ministria e Brendshme e Serbisë. Kur u bë prezantimi i këtij dokumentari, ishin pothuajse e gjithë paria e liderëve institucionalë të Serbisë.
Në mesin e atyre që flasin është edhe një kolonel frances me emrin Jacques Haguar, i cili sipas RTS-së “pasi e pa çfarë po ndodhte, vendosi të largohej nga ushtria franceze”.
Ky nuk është dokumentari i parë me propagandë të Serbisë. Ngjashëm ishte realizuar edhe dokumentari për Reçakun e Betejën e Koshares.
Kujtojmë se pikërisht Gjykata Speciale në Hagë ishte krijuar me pretendimet e raportit të Dick Martyt për Shtëpinë e Verdhë. Megjithatë, këto pretendime nuk u vërtetuan asnjëherë, dhe në aktakuza nuk ka asnjë element të trafikimit të organeve.
Mungesa e provave ishte konfirmuar edhe nga shefi i Task Forcës Hetimore të EULEX-it, Clint Williamson, që kishte thënë se nuk është vërtetuar asnjëherë një pretendim i tillë.
Dick Marty së fundmi u bë lajm sërish. Ai u kërcënua me vrasje nga struktura të inteligjencës në Serbi, me qëllim për t’ia lënë fajin Kosovës pak ditë pas arrestimit të krerëve të UÇK-së./Nacionale