BREAKING NEWS

Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...

Gati të fundoset grupi organizator i biznesit të armëve në
x
BREAKING NEWS

Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’

Daut Gumeni: Ja pse socialistët dhe Gentiana Sula bllokuan hapjen e dosjes
x
BREAKING NEWS

Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi

Plas skandali, Kuvendi i Shqipërisë vihet nën akuzë për
x
BREAKING NEWS

Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...

Pasuria e dyshimtë e “sheikut” të Kuvendit Laert Duraj
x
BREAKING NEWS

Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK

Ja pazaret e PS dhe Rithemelimit, si po mbrojnë korrupsionin e Klodian
x
BREAKING NEWS

Rama-Berisha ngrenë komision për të shkatërruar SPAK dhe Reformën në Drejtësi, ja pazaret e reja të “non-gratës” me kryeministrin për të bllokuar arrestimet

Rama-Berisha ngrenë komision për të shkatërruar SPAK dhe
x
BREAKING NEWS

Plas skandali i Portit të Vlorës, ja si iu falën Samir Manes 57 mijë metra katror tokë, të implikuar 2 ministra, SPAK merr në dorëzim padinë për megaoligarkun e qeverisë

Plas skandali i Portit të Vlorës, ja si iu falën Samir Manes 57
x
BREAKING NEWS

Gazetarja e njohur paralajmëron arrestime të bujshme në ditët në vijim, ja disa nga dosjet “përvëluese” që po heton SPAK dhe skema që ndoqën agjentët e BKH për të arrestuar Jorgo Goron, kryebashkiaku në detyrë i Himarës u përgjua 4 muaj rresht me metod...

Gazetarja e njohur paralajmëron arrestime të bujshme në
x

Rajoni

Parlamenti Evropian mbështet përpjekjet për marrëveshjen Kosovë-Serbi

Parlamenti Evropian mbështet përpjekjet për marrëveshjen

 Kosova nuk arriti të niste deri dje vonë seancën e jashtëzakonshme për negociatat me Serbinë, mirëpo komentet, rekomandimet dhe opinionet për çështjen janë vijuar nga të gjitha drejtimet. Në Bruksel, raportuesit e veçantë të Parlamentit Evropian për Kosovën dhe Serbinë, respektivisht slloveni Igor Soltes i Të Gjelbërve dhe gjermani David McAllister, u takuan me kryediplomaten Federica Mogherinin, dhe deklaruan më pas se çështja e dialogut është shumë e rëndësishme për stabilitetin e tërë Ballkanit Perëndimor. “Dialogu ndërmjet presidentit Thaçi dhe presidentit Vuçiç për arritjen e një marrëveshjeje gjithëpërfshirëse të normalizimit është jashtëzakonisht i rëndësishëm për të ardhmen e Kosovës dhe Serbisë dhe për stabilitetin e tërë Ballkanit Perëndimor. Një marrëveshje e tillë me pëlqimin e ndërsjellë do të ishte një arritje historike dhe ne, në Parlamentin Evropian, mbetemi plotësisht të përkushtuar për t’ju ofruar gjithë mbështetjen tonë të dy presidentëve dhe Përfaqësueses së Lartë, për të siguruar një përfundim të suksesshëm”, thuhej në deklaratën e eurodeputetëve, të cilët ashtu si disa faktorë të tjerë kanë eliminuar kundërshtimet e tyre për çdo lloj marrëveshje të ndërsjellë, qoftë dhe për ndryshime kufijsh.

Thaçi-Vuçiç, negociata në distancë

Por megjithë inkurajimet e Brukselit, tonet dukeshin disi më antagoniste dje se ditët e tjera, mes dy strumbullarëve të çështjes, presidentit kosovar dhe atij serb, të cilët akuzonin njëri-tjetrin se po evitonin temat serioze të një kompromisi të mundshëm. Presidenti kosovar Hashim Thaçi tha se marrëveshja ndërmjet Kosovës dhe Serbisë është e domosdoshme për integrimin Evropian por duke hyrë në detaje ai sqaroi se një shkëmbim i mundshëm territoresh nuk do të përfshinte as Mitrovicën e Veriut dhe as liqenin e Ujmanit (Gazivoda). Kjo nuk është hera e parë që Thaçi bën deklarata në dukje absurde dhe të parealizueshme, të cilat me të drejtë kanë irrituar shumë faktorë politikë në vend. Duke folur në një debat në Prishtinë, presidenti ka vazhduar të mbështesë se marrëveshja paqësore me Serbinë të përfshijë edhe ndryshimin e kufirit, ose siç e quan ai, “korrigjim të kufirit”, duke shtuar se marrëveshja nuk do të përfshijë ndarje dhe as shkëputje të pjesës veriore të Kosovës. “Çfarë do të thotë kjo? E para, se nuk do të ketë ndarje të Kosovës. Nuk do të ketë shkëputje të pjesës veriore të Kosovës. E kam thënë më parë dhe e them përsëri, nuk do të bisedojmë kurrë, në asnjë rrethanë për liqenin e Gazivodës apo për qytetin e Mitrovicës. Nuk do të ketë Srpska Republika në Kosovë”, tha Thaçi, duke iu referuar modelit boshnjak.

Vuçiç: Nuk flisni për asgjë me rëndësi

Deklarata e Thaçit në tryezën e KDI për dialogun, ka nxitur reagimin e presidentit serb Aleksandar Vuçiç i cili tha se nëse Kosova nuk ka ndërmend të tolerojë atëherë kompromisi është vërtet larg. “Me sa po shoh se zyrtarët shqiptarë nga Kosova nuk duan të flasin për Asociacionin, për veriun, e as për Gazivodën. Pra ata nuk duan të flasin për asnjë gjë thelbësore”, ka thënë Vuçiç për agjencinë serbe të lajmeve Tanjug, duke përsëritur se nga zgjidhja e mundshme e kompromisit asnjëra palë nuk mund të jetë tërësisht e kënaqur. Thaçi dhe Vuçiç do të takohen përsëri më 7 shtator në Bruksel, për vazhdimin e fazës finale të dialogut të ndërmjetësuar nga kryediplomatja e BE Federica Mogherini./Andi LAMKO

Më të lexuarat