BREAKING NEWS

Publikohet lista e plotë, zbardhen emrat e propozuar nga PD për qarkun e Dibrës

Publikohet lista e plotë, zbardhen emrat e propozuar nga PD për qarkun
x

Rajoni

"Pata një debat me Sali Berishën", analisti zbardh prapaskenat e takimit me ish-kryeministrin: Nuk do të mund të shpëtojmë lehtë...

"Pata një debat me Sali Berishën", analisti  zbardh

Ish-kryeministri i Shqipërisë, Sali Berisha, në vitin 2003 kishte përmendur idenë se për arritjen e marrëveshjes Kosovë-Serbi, duhet të lëvizin kufijtë.

“Më kujtohet një bisedë që kemi pasur në një konferencë në Stamboll. Kam pasë bërë një debat me Sali Berishën. Aty kanë qenë edhe Veton Surroi, ambasadori i Shqipërisë në Turqi, si dhe ai i Maqedonisë. Në debat e sipër se çfarë duhet të japë Kosova për të arritur njohjen – po flasim për vitin 2003, kur Kosova s’ka qenë shtet – ai [Sali Berisha] më pati thënë se nuk mund të arrijmë të marrin njohjen pa dhënë Zubin Potokun, Leposaviqin…”, ka thënë në Info Magazine të Klan Kosovës, analisti politik Nexhmedin Spahiu.

“Ai [Sali Berisha] ka thënë se diçka duhet dhënë. Ka qenë bindje që nuk do të mund të shpëtojmë lehtë. Ky ka qenë kuptimi i bisedës. Qëndrimi im ka qenë që do të jepnim sikur të pyeteshim ne dhe sikur vet ta kishim çliruar Kosovën. Por, për këtë pyetet Amerika. Ajo i jep, jo ne. Nëse Amerika nuk do që të jepet tokë, nuk do të jepet asnjë centimetër. Ajo e ka çliruar, ajo e bart sovranitetin e Kosovës. Në konferencë ka qenë edhe Fatos Nano, por ai nuk ka qenë prezent kur është bërë kjo bisedë” tha Spahiu.

Kujtojmë se ish-Kryeministri Sali Berisha tani e kundërshton idenë e shkëmbimit të territoreve mes Kosovës dhe Serbisë.