Pushteti i Aleksandër Vuçiç “në fije të perit”, presidenti serb “aktivizon” recetën e Vladimir Putinit në Nju Jork për të shpëtuar karrigen e tij

Presidenti Aleksandër Vuçiç po përdor edhe një herë “çështjen e Kosovës” për shkak se zgjedhjet në Serbi mund të jenë shumë afër. Megjithëse ai vetë është i vetëdijshëm se është një “ringjallje e kotë e një trupi tashmë të dekompozuar”, duke përdorur retorikën dhe histerinë e “idhullit të tij”, Vladimir Putinit për “rrezikimin e serbëve dhe Serbisë” dhe do të intensifikojë zhgënjimin e popullsisë dhe atmosferën e fatkeqësisë dhe rrënimit. Këtë gjë ka bërë dhe ditën e djeshme në OKB. Ditën e djeshme Vuçiç, përdori fjalimin e tij në Asamblenë e Përgjithshme të Kombeve të Bashkuara për të sulmuar Kosovën, por edhe fuqitë e mëdha. Duke marrë “hua” fjalorin e Putinit, ai akuzoi atë që e quajti “regjim separatist të Albin Kurtit”, për dhunë të zhveshur ndaj serbëve në Kosovë. “Vetëm javën e kaluar Albin Kurti tha në Bruksel se serbët do të paguajnë dhe do të vuajnë. A është e mundur të tallen më keq me njerëzimin dhe rendin ndërkombëtar”, tha Vuçiç, duke iu referuar gjithmonë Kosovës si një provincë e Serbisë. Ai përdori deklaratën e sekretarit amerikan të shtetit Antony Blinken, por edhe të Bashkimit Europian, për të mbështetur pretendimin e tij. “Është e qartë se po hyjmë në një epokë ndarjesh të mëdha dhe konfliktesh të mëdha”, u shpreh Presidenti serb nga foltorja duke akuzuar perëndimin, veçanërisht Shtetet e Bashkuara dhe Gjermaninë, për shkelje të kartës së OKB-së. Ai pretendoi se do të shkojë edhe kundër aleatit historik, Rusisë, për të mbështetur integritetin territorial të Ukrainës. “Për të ruajtur paqen globale dhe që të mos zhdukemi të gjithë në llogaritjen darviniane të fuqive të mëdha, është e nevojshme që të bashkohemi, ashtu si 78 vjet më parë, në një luftë të përbashkët për një rend ndërkombëtar të bazuar në kartën e OKB-së”, u shpreh ndër të tjera Vuçiç. Madje nga Nju Jorku ku po merr pjesë në Samitin e OKB-së, Vuçiç ka paralajmëruar përshkallëzim të situatës në veri të Kosovës, pas arrestimit që ju bë 3 serbëve nga policia kosovare. “Janë arrestuar edhe tre serbë me shpjegimin se ka keqtrajtuar dikë në varreza, aq qesharake dhe e frikshme sa nuk kam fjalë”, tha Vuçiç. Ai deklaroi se Serbia do të bëjë gjithçka për të mbrojtur popullin e saj, teksa akuzoi ministrin Sveçla për këto arrestime, i cili sipas tij tentoi që ti arrestonte dhe djalin disa muaj më parë.

Vuçiçin e presin kohë të vështira në Beograd

Megjithatë, ai po shkon drejt fundit, por pyetja është se sa mund të zgjasë? Opozita civile-demokratike serbe vendosi marrëveshjen e koalicionit për të qenë e bashkuar në fushatën zgjedhore për Vuçiçin. Partitë opozitare do të shkojnë në zgjedhje me listën “Marrëveshja për Fitore”.  Portali Nova.rs thekson se marrëveshja për bashkëpunim dhe hapat e mëtejshëm në luftën kundër regjimit të Aleksandër Vuçiçit bashkoi tetë parti: Partinë Liri dhe Drejtësi, Partinë Demokratike, Lëvizjen e Qytetarëve të Lirë, Partinë Popullore, Partinë Së bashku. , Kryengritja Ekologjike, Fronti i Gjelbër-Majtas/Jo po e mbysim Beogradin dhe Lëvizjen Popullore të Serbisë. Sipas burimit të Nova-s, përjashtim bën Partia Popullore, përfaqësuesi i së cilës nuk do të jetë mes nënshkruesve. “Kjo në fakt është një marrëveshje për bashkëpunim dhe hapa të mëtejshëm për rrëzimin e regjimit të Aleksandër Vuçiçit”, thonë bashkëbiseduesit e Nova.rs. Marrëveshja “Marrëveshja për fitore” ka dhjetë pika. Ndër të tjera, parashikon kontrollin e procesit zgjedhor, një fushatë të përbashkët parazgjedhore dhe formimin e një ose disa listave zgjedhore të përbashkëta ose të lidhura ideologjikisht, në varësi të rezultatit më të mirë të pritshëm për fitoren në zgjedhjet e ardhshme. Marrëveshja përmban një shënim se asnjë nga nënshkruesit nuk do të hyjë në një koalicion ose ndonjë marrëveshje me SNS dhe SPS në pushtet. Përveç kësaj, partitë opozitare kërkojnë edhe përfaqësim proporcional të opozitës në transmetimet e lajmeve të RTS, nisjen e një emisioni të ri debatues në RTS dhe paraqitje të pavarura të ftuar nga politikanë opozitarë në atë televizion, por pa praninë e partive pro regjimit të cilët, në sipas mendimit të tyre, janë të privilegjuar në "duele" të tilla. Këto kërkesa partitë opozitare ia dërguan drejtorit të RTS-së, Dragan Bujoshevç.