BREAKING NEWS

Plagoset polici dhe dy persona të tjerë në Pogradec

Plagoset polici dhe dy persona të tjerë në Pogradec
x

Rajoni

Reagon sërish Hashim Thaçi për Gjykatën e Hagës: Askush nuk mund ta njollosë...

Reagon sërish Hashim Thaçi për Gjykatën e Hagës:

Për thirrjen në Hagë të disa përfaqësuesve të lartë të Ushtrisë Çlirimtare të Kosovës, mes tyre edhe kreministri Ramush Haradianj, i cili u dorëhoq nga posti ka reaguar sërish presidenti i Kosovës Hashim Thaçi.

Përmes një reagimi në rrjetet sociale, Thaçi shkruan se asnjë gjykatë, as vendore, as ndërkombëtare, nuk mund ta njollosë luftën e Kosovës për liri.

Reagimi i plotë i Thaçit:

Lufta e Ushtrisë Çlirimtare të Kosovës ka qenë dhe do të mbetet përjetësisht e pastër dhe e drejtë. Asnjë gjykatë, as vendore, as ndërkombëtare, nuk mund ta njollos atë. Me Jakup Krasniqin, me anëtarët e tjerë të Shtabit të Përgjithshëm, komandantët e zonave dhe ushtarët që janë ftuar nga Gjykata Speciale, ne e kemi mbrojtur popullin dhe e kemi luftuar armikun deri në çlirimin e vendit tonë.

Si president i vendit, si bashkëluftëtar, e çmoj shumë gatishmërinë e të gjithëve që të bashkëpunojnë me drejtësinë. Duke bashkëpunuar me drejtësinë ndihmojmë që të ngadhënjejë e vërteta për luftën tonë çlirimtare. Jam i bindur që, njëjtë sikurse në të kaluarën, sërish do të dalim fitimtarë. Pastërtia e luftës sonë do të dëshmohet përballë çdo gjykate! HTH