Sërish tensione në Kosovë/ Serbët lokalë bllokojnë rrugën që të çon në Leposaviq, kundërshtojnë vendimin e autoriteteve për ndërtimin e bazës së re kufitare, ja çfarë pritet të ndodhë

Serbët lokalë kanë bllokuar rrugën që të dërgon në fshatin Dren të Leposaviq. Kjo vjen pasi policia e Kosovës ka nisur të ndërtojë një bazë të re kufitare në këtë fshat. Muaj më parë, qeveria ka shpronësuar disa toka në veri të Kosovës.

Sipas mediave serbe, banorët e Drenës, afër Leposaviqit, janë të vendosur që të bllokojnë në çdo mënyrë për të anuluar, siç thonë ata, vendimin e kundërligjshëm të autoriteteve të Prishtinës për ndërtimin e një baze në fshatin Zaselje.

Ky është mesazhi që po dërgohet edhe sot nga qytetarët e mbledhur, të cilët që nga mëngjesi i djeshëm ndodhen në vendin ku makineritë e rënda të mekanizuara kanë nisur zgjerimin e rrugës, e cila është përgatitje për ndërtimin e bazës së policisë kufitare.

Efektivët ndodhen jo shumë larg qytetatarëve ndërkohë që makineritë kanë ndalur punën dhe të gjithë po presin vendimin e autoriteteve të Prishtinës.