BREAKING NEWS

Shqipëria "shkundet" nga tërmeti, ja epiqendra dhe magnituda

Shqipëria "shkundet" nga tërmeti, ja epiqendra dhe magnituda
x
BREAKING NEWS

“Mund të arrestohen ish-kryeministra e ish-presidentë”/ Artan Hoxha flet me emra dhe plas ‘bombën’: Do goditet shumë lartë! SPAK më ka thirrur dhe mua të dëshmojë për këtë dosje!

“Mund të arrestohen ish-kryeministra e ish-presidentë”/
x
BREAKING NEWS

Konflikti me kryebashkiakun Dritan Leli dhe drejtorit të bashkisë që përfundoi të shoqëruar në polici/ Reagon ‘flakë për flakë’ UKV, sqaron gjithë situatën

Konflikti me kryebashkiakun Dritan Leli dhe drejtorit të bashkisë
x
BREAKING NEWS

Ndizen gjakrat, Basha i hedh dorashkën me dosjen kriminale të amerikanëve, Berisha paralajmëron me shkarkimin e kreut të PD, Fieri sfida e radhës

Ndizen gjakrat, Basha i hedh dorashkën me dosjen kriminale të
x
BREAKING NEWS

Milaim Zeka paralajmëron arrestimin e Berishës, Roland Bejko akuzon ish-kryeministrin se po tenton grusht shteti brenda partisë

Milaim Zeka paralajmëron arrestimin e Berishës, Roland Bejko akuzon
x

Rajoni

SHBA i jep shuplakë të fortë Albin Kurtit, ultimatum Kosovës dhe Serbisë të zbatojnë marrëveshjen e firmosur në Uashington

SHBA i jep shuplakë të fortë Albin Kurtit, ultimatum Kosovës

Marrëveshja e Washingtonit, e nënshkruar nga presidenti i Serbisë Aleksandar Vuçiç dhe kryeministri i asaj kohe i Kosovës Avdullah Hoti, mbush sot një vjetorin, ditë kjo që shënon edhe fundin e angazhimit të marrë nga dy palët e përfshira. Serbia angazhohej të mos ndërmerrte asnjë hap në lidhje me lobimet në kuadër të tërheqjeve të njohjeve ndaj Kosovës, ndërsa Kosova angazhohej që të mos aplikonte për tu pranuar në asnjë prej organizatave ndërkombëtare. Zotimet e dy shteteve ishin për një periudhë një vjeçare, afat që ka përfunduar sot. Mbi këtë çështje ka reaguar Departamenti Amerikan i Shtetit, për KlanKosova. DASH ka deklaruar se pritshmëritë e administratës Biden janë që zotimet e marra në Marrëveshjen e Washingtonit të vijojnë të plotësohen dhe që gjithçka e nënshkruar një vit më parë të respektohet. Në përgjigjen e DASH thuhet se Shtetet e Bashkuara mbështesin dialogun mes Kosovës dhe Serbisë, duke shtuar se një çështje e tillë pritet që të trajtohet me urgjencë. “Ne jemi duke vazhduar punën me Kosovë dhe Serbinë për zbatimin e angazhimeve që kanë marrë në mbështetje të qëllimit për normalizim gjithëpërfshirës të marrëdhënieve. Shtetet e Bashkuara janë të gatshme për ta mbështetur punën drejt marrëveshjes gjithëpërfshirëse dhe detyruese në mes të Kosovës dhe Serbisë, me bazë njohjen reciproke e cila vendos themelet për bashkëpunim dhe mirëqenie afatgjatë”, është shprehur zëdhënësi i DASH, Ned Rice. Ai ka shtuar se SHBA inkurajon palët që të ndërtojnë besim politik të ndërsjellët. “Ne mbështesim dialogun e ndërmjetësuar nga BE dhe nxisim palët që të riangazhohen në këtë proces me një ndjenjë urgjence për të trajtuar çështje politike dhe teknike. Shpresojmë që partnerët tanë do të respektojnë me mirëbesim angazhimet e marra në Uashington vitin e kaluar. Prandaj ne inkurajojmë të dyja palët për të prioritizuar përpjekjet për të ndërtuar besim politike përmes pjesëmarrjen serioze dhe të domosdoshme në procesin e dialogut të lehtësuar nga BE”, është shprehur ai. Në njoftimin e DASH gjithashtu nënvizohet fakti që të dy shtetet duhet që të jenë tepër të kujdesshme në pikat me interes të përbashkët. “Ne gjithashtu nxisim Kosovën dhe Serbinë që ta rrisin bashkëpunimin në fusha me interes të përbashkët, sikurse rimëkëmbja lidhur me pandeminë dhe përmirësimin e marrëdhënieve ekonomike dhe tregtare. Në mënyrë që të mbështetet dhe të ketë suksese dialogu dhe përpjekjet tjera, në inkurajojmë të dyja palët që të ruajnë moratoriumet e tyre në çështjen e njohjes që ndërlikojnë përparimin në fushat teknike”, thuhet në reagim. Duket s kjo është goditje fortë për kryeministrin Kurit, i cili ka refuzuar zbatimin paktit.

Reagimi i Vuçiç

Presidenti i Serbisë, Aleksandar Vuçiç ka thënë se Serbia gjithmonë do të përpiqet t’i respektojë parimet e sigurisë të së drejtës ndërkombëtare. Një deklaratë të tillë Vuçiç e bëri në takimin e zhvilluar dje me ndihmëssekretarin e Përgjithshëm të Organizatës së Kombeve të Bashkuara për Evropën, Azinë Qendrore dhe Amerikën, Miroslav Jenqa. Presidenti serb shtoi se OKB-ja është organizata më e rëndësishme ndërkombëtare me rëndësi të veçantë për sovranitetin dhe integritetin territorial të Serbisë. Në njoftimin e Shërbimit për Bashkëpunim me media të presidentit të Serbisë shkruhet se Vuçiç theksoi rëndësinë e siç thuhet “pranisë së UNMIK -ut si garantues i neutralitetit të statusit të pranisë ndërkombëtare në Kosovë në bazë të Rezolutës 1244”. Të dy bashkëbiseduesit diskutuan për situatën në Ballkanin Perëndimor dhe ranë dakord se Serbia dhe OKB -ja janë partnerë në ruajtjen e paqes dhe stabilitetit në rajon. Vuçiç tha se Beogradi mbetet i përkushtuar për të vazhduar dialogun me Prishtinën dhe për të gjetur një zgjidhje kompromisi për çështjen e Kosovës.

Hoxhaj-Lajçak

Ndërsa, ish-ministri i Jashtëm i Kosovës, tashmë deputeti i PDK-së Enver Hoxhaj, ka qenë pjesë Forumit Strategjik në Bled të Sllovenisë. Në kuadër të këtij forumi Hoxhaj ka njoftuar ka pasur diskutim edhe me Emisarin Special për dialogun Kosovë-Serbi, Miroslav Lajçak. “Shkëmbyem ide mbi zhvillimet në Ballkanin Perëndimor dhe qëndrime për dialogun Kosovë-Serbi, i cili s’duhet të ketë përfundim tjetër pos njohjes së ndërsjellë”, ka shkruar Hoxhaj.