Shënohen sërish shifra të larta të pandemisë, Maqedonia e Veriut në alarm për numrin e madh aktiv të rasteve

Maqedonia e Veriut publikoi rastet ditore të pandemisë, duke regjistruar 103 raste të reja me CoVid-19, që e kanë çuar numrin e përgjithshëm në 4157 pacientë të prekur. Shqetësues është edhe numri i rasteve aktive, i cili është 518 më shumë sesa të shëruarit.

Gjatë 24 orëve të fundit kanë ndërruar jetë 5 pacientë. Numri i përgjithshëm i viktimave mbërriti në 193. Një 80-vjeçar nga Kumanova, një 65-vjeçar nga Tetova dhe tre pacientë nga Shkupi humbën betejën me Covid-19.

Ministria e Shëndetësisë renditi qytetet më kritike ndaj virusit, ku prin Shkupi me 1904 raste, prej të cilave 1210 janë aktive. Pason Kumanova me 645, prej tyre 221 aktive, Tetova me 429 prej tyre 239 raste aktive, Shtipi me 244 prej tyre 196 aktive dhe Prilepi me 230, prej tyre 20 raste aktive.