Shifra rekord nga Covid-19 në Greqi, ky është bilanci i 24 orëve të fundit

Bilanc tragjik të infektuarish dhe viktimash me Covid-19 është shënuar në Greqi.  
Sipas autoriteteve shëndetësore të vendit fqinj, gjatë 24 orëve të fundit janë regjistruar 2,131 raste të reja, duke e çuar në 95,137  numrin total të të prekurve që nga fillimi i pandemisë.

Ndërkohë, që humben betejën me koronavirus 101 persona dhe numri në total i të vdekurve ka shkuar në  1,815 viktima.

Ditën e sotme në Greqi u shënua edhe viktima me moshën më të re që nga fillimi i pandemisë.

Bëhet fjalë për 25-vjeçarin, Theodore Pavlidis. Ai vuante nga sëmundje shoqëruese, pasi pak kohë më parë iu nënshtrua një operacioni në zemër.

Sipas njoftimeve, ai fillimisht u trajtua në Spitalin e Përgjithshëm të Serres para se të transferohej në Spitalin e Përgjithshëm “Papanikolaou” në Selanik, ku qëndroi i intubuar deri sa humbi jetën.