Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Sofje, Macron “dush të ftohtë” vendeve të Ballkanit për anëtarësimin

Macron “dush të ftohtë” vendeve të Ballkanit për anëtarësimin

Postuar: 17/05/2018 - 15:26

Presidenti francez Emmanuel Macron të enjten tingëllonte skeptik mbi zgjerimin e Bashkimit Evropian për të përfshirë vendet nga Ballkani Perëndimor, në samitin e Sofjes që ka si qëllim pikërisht forcimin e lidhjeve mes rajonit dhe BE.
 
Komentet e Macron vijnë si një zhgënjim i veçantë për Shqipërinë dhe Maqedoninë, të cilët shpresojnë për dritën e gjelbër nga udhëheqësit e BE-së muajin e ardhshëm për të filluar bisedimet për t’u bashkuar me bllokun, pasi në prill Komisioni Evropian kishte rekomanduar hapjen e negociatave për këto vende. 
 
“Ajo që kemi parë gjatë 15 viteve të fundit është një rrugë që ka dobësuar Evropën sa herë që mendojmë ta zgjerojmë atë. Dhe unë nuk mendoj që ne bëjmë një shërbim për vendet kandidate apo veten tonë duke pasur një mekanizëm që në njëfarë mënyre nuk ka më rregulla dhe vazhdon të lëvizë drejt zgjerimit më të madh”, ka thënë Macron për gazetarët në samitin e kryeqytetit bullgar.
 
“Unë jam në favor të ankorimit të Ballkanit në Evropë dhe të ecjes drejt Evropës. Por unë mendoj se ne duhet të shohim çdo zgjerim të ri me shumë kujdes dhe ashpërsi”, ka shtuar tutje Macron.
 
“Nuk jam në favor të lëvizjes drejt zgjerimit para se të kemi të gjithë sigurinë e nevojshme dhe para se të bëjmë një reformë reale për të lejuar një thellim dhe funksionim më të mirë të Bashkimit Evropian”.
 
Siç shkruan tutje ky medium, Ballkani ka mbështetur agjendën e BE-së pasi liderët janë alarmuar për ndikimin e fuqive të tjera, veçanërisht të Rusisë. 
 
Kriza e migracionit 2015, në të cilën qindra mijëra njerëz hynë në BE nëpërmjet rrugës së Ballkanit Perëndimor, gjithashtu dha një kujtesë të theksuar të rëndësisë së rajonit për stabilitetin e bllokut.
Por anëtarët e BE janë të ndarë për të deklaruar se të gjashtë vendet e Ballkanit Perëndimor në samit – Shqipëria, Bosnja dhe Hercegovina, Kosova, Maqedonia, Mali i Zi dhe Serbia – mund të bashkohen një ditë me bllokun. Ata kanë divergjenca gjithashtu edhe rreth afatit potencial për pranimin e anëtarëve të rinj nga rajoni.
Serbia dhe Mali i Zi tashmë janë në bisedimet e anëtarësimit dhe Komisioni ka sugjeruar që ata të mund të hyjnë në BE deri në vitin 2025 – një objektiv i konsideruar me skepticizëm të konsiderueshëm nga disa zyrtarë në Bruksel dhe qeveritë e BE.

/Agjensia e Lajmeve Sot News/

Na Beni Like Ne Facebook: 
Total votes: 4

Lajme nga e njejta kategori

Postuar: 21/05/2018 - 10:15

Ish-presidentja e Parlamentit Evropian, Nicole Fontaine, e cila ka mbajtur gjithashtu postin e ish-ministres franceze të Industrisë, vdiq të enjten në moshën 76-vjeçare, bëri të ditur sot ish-ministri Dominique Bussereau. 

Postuar: 21/05/2018 - 08:48

Pritet të sjellë ndryshime ligji i ri për pagat e zyrtarëve të lartë të administratës. Ky ndryshim do të bëjë së presidenti i Kosovës do të jetë njeriu më i paguar.

Postuar: 21/05/2018 - 08:14

Lëvizja Vetëvendosje njofton se më 25 maj do të organizojë tryezën e titulluar “Zgjidhja nëpërmjet zgjedhjeve”, ku do të ftojë subjektet politike në Kosovë.

Postuar: 20/05/2018 - 17:44

Për shkak të numrit të lartë të refugjatëve të paligjshëm që tentojnë të kalojnë për në vendet e Bashkimit Evropian, Mali i Zi po planifikon të ndërtojë një gardh me tela në kuf

Postuar: 20/05/2018 - 12:49

Pas refuzimit të propozimit nga ana e Athinës zyrtare për emrin e ri të Maqedonisë në “Republika Ilinditase e Maqedonisë”, ka ardhur edhe reagimi i Qeverisë së Maqed

Postuar: 20/05/2018 - 12:07

Bashkiaku i Selanikut është sulmuar nga disa njerëz, me shumë gjasa të ekstremit të djathtë, gjatë një eventi publik.

Postuar: 20/05/2018 - 11:20

Deklaratat në Samitin e Sofjes nga Vuçiçi se dëshiron ta zgjidhë problemin me Kosovën, po i përkrahin edhe oponentët e tij në Serbi.