Stuhia “Medea” godet Greqinë, meteorologu i njohur del me paralajmërimin e rëndësishëm: Të hënën dhe të martën do përhapet edhe në...

Stuhia “Medea” që përfshiu sot Greqinë, solli në këtë vend reshje dëbore dhe temperatura të ulëta që prekën kryesisht pjesën veriore dhe qendrore.

Meteorologu Konstantinos Lagouvardos foli për mediat greke ku dha më tepër detaje rreth situatës në vend.

"Nga sonte, bora do të fillojë gjithashtu në Atikë. Kjo do të vazhdojë të hënën dhe të martën dhe nuk përjashtohet që të shohim reshje dëbore edhe në jug.

Sidoqoftë, fenomenet do të jenë më intensive në zonat periferike në veri, të cilat do të mbulohen nga dëbora”, tha Lagouvardos.

Sipas parashikimeve të shërbimit meteorologjik të Observatorit Kombëtar të Athinës, moti i keq do të përkeqësohet gradualisht dhe do të përhapet në të gjithë vendin.

Gjatë fazës së saj të parë gjatë fundjavës, “Medea” pritet të sjellë temperatura shumë të ulëta në pjesët qendrore dhe veriore, reshje shiu në lartësi të ulëta dhe në zonat bregdetare dhe stuhi në det.

Deri më tani, i ftohti i ashpër ka përfshirë Greqinë veriore, me reshje dëbore në Florina, Kozani, Kastoria, Ptolemaida, Veria, Kavala, Katerini dhe Halkidiki dhe me temperatura që arritën deri në -7 gradë celcius.