Tensionet në veri/ SHBA i ‘mbyll derën’ Kosovës? Ja deklarata e fortë e ambasadorit amerikan

Si sanksion të parë për Kosovën për situatën e krijuar në veri të vendit, SHBA vendosi anulimin e stërvitjes “Defender Europe 23” ku pritej të merrnin pjesë mbi 1300 ushtarë të FSK-së krahas trupave të NATO-s.

Ndërsa së fundmi, për mediat e Kosovës, ambasadori amerikan në Prishtinë Hovenier deklaroi se duke marrë parasysh situatën aktuale në veri një tjetër sanksion që mund të ndërmerret është edhe ndalimi i vizitave të krerëve të shtetit të Kosovës drejt SHBA-ve.

“Do të befasohesha nëse në këto rrethana aktuale, në rrethanat në të cilat jemi tani, të kishte gatishmëri për vizita të nivelit të lartë, qoftë nga SHBA këtu, apo nga Kosova në SHBA”- tha ambasadori amerikan.

Gazetari: Edhe për kryeministrin Kurti?

Hovenier: Siç thashë do të befasohesha nëse në situatën në të cilën jemi aktualisht do të kishte gatishmëri për vizita të nivelit të lartë”.