Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Thaçi: Koha e misioneve të huaja ka mbaruar, Kosova zot në vend të saj

Thaçi: Koha e misioneve të huaja ka mbaruar, Kosova zot në vend të saj

Postuar: 06/12/2017 - 16:44

Presidenti i Kosovës, Hashim Thaçi ka thënë sot se në Kosovë funksionojnë një numër i pa justifikuar i misioneve ndërkombëtare, të cilat krijojnqë përshtypjen se vendi është në një stad shumë të hershëm të tranzicionit.
 
“Koha e misioneve të huaja ndërkombëtare në Kosovë ka kaluar”, është shprehur ai gjatë një fjalimi para Forcës së Sigurisë së Kosovës, duke shtuar se tashmë ka ardhur koha që institucionet e Kosovës të sillen si zot shtëpie në vendin e tyre.
 
“Me qindra milionë euro të taksapaguesve evropianë janë shpenzuar dhe vazhdojnë të shpenzohen për mbarëvajtjen e misionit EULEX. Si është e mundur që me gjithë këtë përfshirje, të pashembullt, përgjegjësia të jetë vetëm në anën kosovare”, ka theksuar Thaçi, në lidhje me sfidat dhe ngecjet e Kosovës, duke kërkuar që përgjegjësia t’i ndahet edhe faktorit ndërkombëtar.
 
“E theksoj qartë se qëllimi ynë shtetëror është anëtarësimi në BE dhe jo që në Kosovë të ketë misione të përjetshme të saj. Besoj ka ardhur koha që disa nga institucionet tona duhet të tregojnë më shumë përgjegjësi dhe vetëbesim”, ka deklaruar ai.
 
Në vijim, Thaçi ka shprehur mospajtime edhe në lidhje me Gjykatën Speciale e cila pritet të nis punën me mision, hapjen e rasteve të dyshuara për krime lufte, ku në radhë të parë në “lupën e drejtësisë”, pritet të jenë disa nga ish-pjesëtarët e Ushtrisë Çlirimtare të Kosovës.
“E votuam në atë kohë Gjykatën Speciale për të ruajtur partneritetin me SHBA-në, BE-në dhe NATO-n. Unë mendoj se Gjykata Speciale nuk do të mund të arrijë të bëjë atë që e proklamon, të forcojë ndjenjën e drejtësisë për viktimat e luftës”, ka theksuar Thaçi, shkruan “rel”.
“Sikur të kishte drejtësi të tillë çfarë trumbetohet nga faktori ndërkombëtar, 100 gjykata speciale të këtilla do të duhej të bëheshin vetëm për krimet që Serbia e Millosheviçit i ka bërë në shtetet e Ballkanit dhe këtu në Kosovë. Ndërsa, paradoksi me të cilin ne ballafaqohemi është dëshpërues”, ka vlerësuar ai.
“E njëjta Serbi sot e ka derën e hapur për në BE, ndërsa Kosova mbahet e izoluar”, ka thënë ndër tjera Presidenti i Kosovës.
 

/Agjensia e Lajmeve Sot News/

Na Beni Like Ne Facebook: 
Total votes: 3

Lajme nga e njejta kategori

Dimitrov: 2018, viti i suksesit për Maqedoninë

Postuar: 12/12/2017 - 21:08

Ministri i Jashtëm i Maqedonisë, Nikolla Dimitrov, ka thënë sot gjatë një darkë pune me ministrat për çështje europiane të vendeve anëtare të BE, se viti 2018 ka gjasa të mëdh
Moti, vazhdon situata alarmante në Itali

Postuar: 12/12/2017 - 20:58

Dëbora kishte ndaluar sonte në Piemonte ndwrsa alarmi është tashmë për ngricat. Nuk ka më shi në Liguria, por ka ndërprerje të qarkullimit.
Përfaqësuesi i OKB: Çështja e emrit mes Maqedonisë dhe Greqisë mund të zgjidhet shpejt

Postuar: 12/12/2017 - 18:22

Përfaqësuesi i vecantë i Kombeve të Bashkuara për konfliktin e emrit në mes të Greqisë dhe Maqedonisë, Mathew Nimetz, ka thënë sot se kjo çështje “mundet dhe duhet të zg
Greqi, vdes alpinisti i dytë në faqet e ngrira të malit Olimpus

Postuar: 12/12/2017 - 17:35

Autoritetet greke thanë sot se kishin rikuperuar trupin e një tjetër alpinisti, i vdekur gjatë tentativës për t’i ngjitur në majën e Olimpus, malit më të lartë në vend,
Zaev: Duhet gjetur zgjidhje për Demarkacionin

Postuar: 12/12/2017 - 17:16

I angazhuar tërësisht në natyrën miqësore të vizitës së tij në Prishtinë, kryeministri i Maqedonisë, Zoran Zaev, tha se sot mes të tjerave me liderët kosovarë se vendi duhet t
Mediat greke: “Maqedonia e re” emri që diskutohet në Bruksel

Postuar: 12/12/2017 - 17:08

TV Star, televizioni i afërt me pushtetin në Greqi, ka publikuar sot një mundësi se si mund të quhet Maqedonia pas negociatave me Greqinë për kontestin e emrit.