Tmerr në Greqi/ Identifikohet pas një viti trupi i groposur i shqiptarit që kishte dalë me leje nga burgu

Është gjendur dhe identifikuar pas një viti kufoma e një personi të groposur në Mouriki, Viota në shtator të vitit 2022.

Sipas analizave të AND-së rezulton se trupi i përket 46- vjeçarit Ilir Rrasa, i arratisur nga burgu.

Shtetasi me origjinë nga Elbasani, ishte dënuar me 15 vite e 2 muaj burg, si dhe 30 mijë euro gjobë për trafikim narkotikësh.

Mësohet se trupi i pajetë është gjetur i groposur në një tokë, teksa punonjësit e kanalizimeve po punonin për hapjen e një tubacioni nëntokësor pranë fshatit Mouriki në Thiva.

Gjatë kontrollit të imtësishëm në xhepin e viktimës u gjet një kartë identiteti me kombësi shqiptare, ku më pas është konstatuar se ishte i arratisuri nga burgu i Patrës.

Ilir Rasa, personi i identifikuar

Autoritetet policore i morën vëllain e tij në Athinë material biologjik, i cili u identifikua me atë të viktimës. Policia e Thivës vijon hetimet për identifikimin e autorëve që e varrosën në vendngjarje dhe nëse është apo jo vepër penale.