U përfol se ishte pjesë e marrëveshjes për të shtypur protestat e opozitës në Shqipëri, reagon Behgjet Pacolli dhe lëshon paralajmërimin e fortë: Lexova deklaratën e një gënjeshtareje...

Mbrëmjen e djeshme qarkulloi një lajm ku thuhej se ish-kryeministri i Kosovës, Behgjet Pacolli ishte pjesë e marrëveshjes për t’i huazuar gaz lotsjellës Shqipërisë, e cila u përdor për të shpërndarë protestuesit e opozitës gjatë viti të kaluar.

Menjëherë pas këtyre lajmeve të publikuara fillimisht nga Insajder, ka reagua Pacolli me një postim në rrjetet sociale.

“Lexova sot deklaratën e një gënjeshtareje që paska shpifur se gjoja unë qenkam i përfshirë në dërgimin e gazit lotsjellës në Shqipëri! Personi në fjalë ka shpifur qëllimshëm në llogari timen dhe për këtë akt, gënjeshtra e saj do të verifikohet në Gjykatë. Ju përshëndes!”, shkruan Pacolli në reagimin e tij në Facebook.